Raqamli iqtisodiyot va axborot texnologiyalari

Sanoatning 1-inqilobi (Sanoat 1.0) 18-asr oxirlarida suv va bugʻ quvvati asosida harakatlanadigan qurilmalarning yaratilishi bilan boshlangan. Jumladan, ilk mexanik toʻqish dastgohi 1784-yilda yaratildi.

20-asrning boshlarida kuzatilgan sanoatning 2-inqilobi (Sanoat 2.0) davrida elektr quvvatining kashf qilinishi bilan mahsulotlar katta hajmda ishlab chiqarila boshlandi.

Sanoatning 3-inqilobi (Sanoat 3.0) yuz bergan 20-asrning 70-yillarida ishlab chiqarishni kompyuter dasturlari va elektronika asosida avtomatlashtirish keng yoyildi.

Bugungi kunda esa ishlab chiqarishning internet orqali bir-biriga bogʻliq qilib qoʻyilganligi sanoatning 4-inqilobi (Sanoat 4.0) deb atalmoqda.

Bunda nima koʻzda tutiladi? Sanoat 4.0 da nimalarni kutish mumkin?