Qonuni o‘zbekiston respublikasi milliy gvardiyasi to‘G‘risida

9-modda. Milliy gvardiyaning davlat organlari va boshqa tashkilotlar, fuqarolik jamiyati
institutlari hamda fuqarolar bilan hamkorligi
Milliy gvardiya o‘z zimmasiga yuklatilgan vazifalarni bajarishda davlat organlari va boshqa
tashkilotlar, fuqarolik jamiyati institutlari hamda fuqarolar bilan qonun hujjatlarida belgilangan
tartibda hamkorlik qiladi.
Davlat organlari va boshqa tashkilotlar Milliy gvardiyaga uning zimmasiga yuklatilgan
vazifalarni bajarishda o‘z vakolatlari doirasida ko‘maklashishi shart.
10-modda. Milliy gvardiya harbiy xizmatchisining (xodimining) qonuniy talablarini
bajarish majburiyligi
Milliy gvardiya harbiy xizmatchisining (xodimining) o‘z vakolatlari doirasida qo‘yilgan qonuniy
talablari, shu jumladan qonunga rioya etish, hujjatlarni, tekshiruv materiallarini va boshqa
ma’lumotlarni taqdim etish, mutaxassis ajratish, Milliy gvardiyaga kelish hamda aniqlangan
qonunbuzarliklar xususida tushuntirishlar berish to‘g‘risidagi, qoidabuzarliklarni, shuningdek
ularning sabablarini va sodir etilishiga imkon bergan shart-sharoitlarni bartaraf etish haqidagi

---

qonuniy talablari barcha davlat organlari, boshqa tashkilotlar, mansabdor shaxslar va fuqarolar
tomonidan bajarilishi majburiydir.
Milliy gvardiyaning zimmasiga yuklatilgan vazifalarni bajarish uchun zarur bo‘lgan axborot,
hujjatlar va boshqa materiallar uning qonuniy talabi bo‘yicha bepul taqdim etiladi.
Milliy gvardiya harbiy xizmatchisining (xodimining) qonuniy talablari ustidan shikoyat qilinishi
ularning bajarilishini to‘xtatib turmaydi.
11-modda. Fan yutuqlaridan, zamonaviy texnologiyalardan va axborot tizimlaridan
foydalanish
Milliy gvardiya o‘z faoliyatida fan yutuqlari, innovatsion g‘oyalar, texnologiyalar va ishlanmalar,
shuningdek axborot tizimlaridan foydalanadi.
Milliy gvardiya harbiy xizmatchilari (xodimlari) o‘z zimmasiga yuklatilgan vazifalarni bajarish
chog‘ida texnik vositalardan, shu jumladan audio-, foto- va video qayd etish, kriptografiya
vositalaridan hamda boshqa maxsus vositalardan foydalanishi mumkin.