O’zbekiston xalq ta’limi vazirligi m. Z. Murtazayev., M. E. Eshonqulova servi s pazandachilik asoslari

3.10. OSHXAMIR VA UNI TAYYORLASH TEXNOLOGIYASI.
"Osh hamir" hamirning eng oddiy turi bo’lib, ko’pgina dunyo oshxonalarida qadim zamonlardan beri ishlatib kelinadi (38-rasm). Bu hamirdan o’zbek oshxonasida manti, xonim, chuchvara kabi suvda yoki parda pishadigan taomlar tayyorlashda qo’llaniladi. Yog’da qovuriladigan taomlarda juda yupqa qilib yoyib olinadi. Asosiy masalliqlari elangan un, tuz va suvdan iborat bo’lishiga qaramasdan hamirning sifatini yaxshilash uchun ko’p hollarda tuxum ham qo’shiladi.

Kerakli masalliqlar: 500 gr un, 250-300 ml suv, 1,5 choy qoshiq tuz,

Tayyorlanishi.

Unni elab olinadi. Sovuq suvga tuz solib, yaxshilab aralshtirib eritib olinadi. Elangan unning markazidan chuqurcha ochiladi. Tuzli suv solinadi. Suvni unga aralashtiriladi. Hamir xoliga keltirish uchun qo’lda yaxshilab qorishtiriladi. Hamirni ezib qorishda davom etiladi. Hamir chiroyli chiqishi va oson yoyilishi uchun kamida 10 daqiqa davomida mushtlanadi. Ko’proq mushtlangan hamirning sifati ham yaxshi bo’ladi. Tayyor bo’lgan hamirni ustiga selofan yopib, xona xaroratida kamida 30 daqiqa davomida tindiriladi (39-rasm).

Mustahkamlash uchun savollar:

1.Oshhamir tayyorlash texnologiyasini aytib bering.

2.Oshhamirdan qanday o’zbek taomlari tayyorlanadi?

3.Oshhamirdan hamir osh taomlarini qanday tayyorlanadi?