O‘zbekiston respublikasi oliy va o‘rta maxsus ta’lim vazirligi toshkent davlat sharqshunoslik instituti

Dissertatsiyaning ilmiy yangiligi arab davlatlaridagi demokratik jarayonlarning rivojlanishiga hozirgi zamon jahon siyosati, vujudga kelgan jahon moliyaviy inqirozining ta’siri va bu mamlakatlarda amalga oshirilgan integratsiyaviy amaliyotni Markaziy Osiyo mintaqasi sharoitida qo‘llash nuqtai-nazaridan qarash bilan namoyon bo‘ladi:

• 
  “demokratiya” tushunchasiga bildirilgan ta’riflar muallif tomonidan umumlashtirilgan;
  
• 
  Demokratik jarayonlarni rivojlanishiga ta’sir etuvchi omillar hamda shart-sharoitlari aniqlashtirilgan va bayon etilgan;
  
• 
  Hozirgi zamon demokratik davlatlari va ularning xususiyatlari aniqlashtirilgan;
  
• 
  Misrdagi siyosiy jarayonlar va uning siyosiy tizimi, xususiyatlari va muammolari ochib berilgan;
  

Shu bilan birga Arab davlatlarida demokratlashtirish jarayonlarining siyosiy ta’siri, uning sabab va oqibatlari yangicha yondashuvda atroflicha tadqiq qilingan.
Tadqiqotning ilmiy va amaliy ahamiyati. Ishning ilmiy-nazariy ahamiyati unda demokratik jarayonlar, demokratik davlatlar va arab davlatlarining siyosiy tizimi va mazkur davlatlarda kechayotgan siyosiy jarayonlarning barcha jabhalari kompleks tadqiq etilganligida, Misr misolida arab davlatlarida demokratlashtirish jarayonlarining xususiyatlari ochib berilganligida namoyon bo‘ladi.
Tadqiqotda keltirilgan xulosa va takliflardan ilmiy jamoatchilik demokratiya, demokratik davlatlar va arab davlatlarida kechayotgan siyosiy jarayonlarini o‘rganish va nazariy tadqiq etish jarayonida foydalanishi mumkin. Shuningdek, Arab davlatlari siyosiy tizimi va Misrning siyosiy, iqtisodiy va xavfsizlik muammolarini hal qilishda muhim roli xozirgi siyosiy jarayonlarni tadqiq qilishda ham asosiy manbalardan biri bo‘la oladi.
Mazkur tadqiqot materiallari oliy o‘quv yurtlarida «Siyosatshunoslik», «Tatbiqiy siyosatshunoslik» va «Qiyosiy siyosatshunoslik» kurslaridan dars berish jarayonida qo‘llanilishi mumkin.
Dissertatsiyaning amaliy ahamiyati, avvalo, uning materiallari, jumladan tavsiyalari integratsiya, jumladan arab davlatlarida siyosiy jarayonlar, Markaziy Osiyoda siyosiy jarayonlarini rivojlantirishda inobatga olinishi mumkinligidadir.
Tadqiqot natijalari O‘zbekiston Respublikasi Tashqi ishlar vazirligi va O‘zbekiston Respublikasining arab davlatlaridagi elchixonalari faoliyatida qo‘llanilishi mumkin.