O’zbekiston respublikasi jismoniy tarbiya va sport vazirligi o’zbekiston davlat jismoniy tarbiya va sport universiteti eshkak eshish nazariyasi va uslubiyati chirchiq-2020 yil

27-mavzu Treniroka jarayonini tashkil qilish va boshqarish


O’quv-trenirovka ishini tashkil qilish. Eshkak eshishda mashg’ulotlar shakli shug’ullanuvchilar kontingenti, mashg’ulot vazifasi va ularning o’tkazilish sharoiti bilan aniqlanadi. Sport maktablarida mashg’ulotning asosiy shakli dars:

• 
  o’quv – eshkak eshish texnikasini o’rgatishga yo’naltirilgan;
  
• 
  oquv-trenirovka – jismoniy sifatlar rivojlanishi va taktik tayyorgarlikning birikishi bilan o’rgatish;
  
• 
  trenirovka – jismoniy sifatlar rivojlanishi va taktik tayyorgarlikning ustivor yo’nalishi bilan o’rgatish;
  
• 
  nazorat – eshkak eshuvchilar tayyorgarlik jarayoni samaradorligi, qo’yilgan vazifalarning yechilishi, maqsadga erishish darajasi nazorati amalga oshiriladi, nazorat me`yorlari qabul qilinadi va tayyorlanganlik darajasi aniqlanadi.
  

O’quv trenirovka ishining rejimi haftada o’quv (akademik) soatlarning soni bilan aniqlanadi.
Eshkak eshish turlari bo’yicha o’quv guruhlari shug’ullanuvchilar jinsi, yoshi sport tayyorgarligi bo’yicha talablar darajasi va suza olish qobiliyatini hisobga olgan holda yig’iladi.
Boshlang’ich tayyorgarlik guruhi va oquv-trenirovka guruhlarida mashg’ulotlar individual mashg’ulot tashkil qilishni rad qilmagan holda guruhli uslubda o’tkaziladi. Sport takomillashuvi va sport mahorati guruhlarida eshkak eshuvchilar bilan mashg’ulotlar murabbiy, sportchi va shifokor hamkorligida tuzilgan hamda sport maktabi pedagogik kengashi tasdiqlagan individual reja asosida o’tkaziladi.
O’quv yuklamalarini oshirish va keyingi guruhga o’tkazish nafaqat sport razryadiga, balki o’quv dasturi, jismoniy rivojlanish, salomatlik holati va funksional tayyorgarlikni hisobga olib umumiy va maxsus tayyorgarlik bo’yicha nazorat o’tkazish me`yorlarini bajarishga ham asoslanadi. Bu talablar sport maktabi pedagogik kengashiga o’rgatish muddatini oshirish yoki qisqartirish imkonini beradi.
Sport maktabida o’tkazilayotgan har bir trenirovka jarayoni va tadbirlar shug’ullanuvchilarda Vatanga muhabbatni, vatanparvarlikni va ayniqsa, milliy istiqlol g’oyasini singdirishga yo’naltirilishi lozim. BO’SM, IBO’OZSM va OMM larida ishlar izchil bo’lishi zarur. BO’SM, IBO’OZSM eng yaxshi o’quvchilariga OMM ga yo’llanma beradi.