Componion ilovasi foydalanuvchi grafik interfeysini ishlab chiqish
Dastur foydalanuvchi grafik interfeysini ishlab chiqishda professional dizayner ko’magidan foydalandim. Dasturning asosiy rangi sifatida yashil rang tanlandi. Dizayner tomonidan tavsiya qilingan ikonkalar va rasmlardan ishlatilindi.
17-rasm. Dastur logotipi.
Dastur logotipida buyuk sohibqiron bobomiz Amir Temur tasvirlangan. Ushbu logotip o’zbek millatini buyuk o’tmishini o’zida akslantiradi.
18-rasm. Dasturning birinchi oynasida ishlatilingan surat.
Dasturning birinchi oynasida bizning milliy taomimiz bo’lmish palov tasvirlangan. Orqa fonda milliy mato, atlas va paxta gulli piyola joylashgan. Oynaning chap yuqori burchagidagi tugmani bossangiz yoki barmoq bilan chapdan o’ngga ekranni sursangiz, navigatsiya oynasi ekranga chiqariladi. Uning dizayni ajoyib tarzda shaffof qilib ishlangan. Ko’p foydalanuvchilar fikriga ko’ra bu juda orginal va foydalanuvchi uchun yoqimli.
19-rasm. Dasturdagi shaharlar uchun tanlangan suratlar.
Undan keying oynada biz to’rtta shahardan birini tanlashimiz kerak. Har bir shahar uchun alohida fotosurat tanlangan. Ushbu suratlar shaharning panaramik ko’rinishini ko’rsatib, o’ziga hosliklarini namoyish qilib beradi. Toshkent uchun tanlangan suratda Toshkentning zamonaviy binolarini, ko’p qavatli ularni va teleminorani ko’rishingiz mumkin. Buxoro uchun tanlangan rasmda esa Buxorodagi qadimiy obidalar va Minorai Kalonni ko’rasiz. Xorazm uchun tanlangan rasmda Kalta Minor va Xivaning qadimiy obidalarini ko’rishingiz mumkin. Samarqand uchun tanlangan rasmda Samarqandning ramzi bo’lgan Registon maydonini ko’rasiz. Ushbu rasmlar har bir shaharning o’ziga xos jihatlarini ko’rsatib beradi.
Undan keyingi oynada obyektlar guruhlari tasvirlangan. Har bir guruh u nimani bildirishini anglatuvchi kichik aylana shakldagi suratlarga ega. Ushbu suratlar dastur dizayneri tomonidan maxsus tanlangan. Quyida ularni ko’rishingiz mumkin.
20-rasm. Dasturda ishlatilingan ikonkalar.
Dasturda har bir obyekt uchun rasm keltirilgan bo’lib, umumiy rasmlar soni 150 dan ortiq. Toshkent shahri metropolitenining stansiyalari xaritasi, surat sifatida dasturga kiritilgan. Dastur uch tilda bo’lganligi sababli uchta rasmdan foydalanishga to’g’ri keldi.
21-rasm. Toshkent metropoliteni xaritasining uch xil ko’rinishi.
Yuqoridagi rasmda ko’rib turganingizdek metro xaritasi uch xil tilda keltirilgan.
Mening nazarimda dastur dizayni anchagina chiroyli. Men qo’yilgan topshiriqni uddasidan chiqdim deb o’ylayman. Bunda menga dastur dizayneri Ismoil Safarov o’z professional yondashuvi bilan katta yordam berdi.
Do'stlaringiz bilan baham: |