O’zbekistоn respublikasi axbоrоt texnоlоgiyalari va kоmmunikatsiyalarini rivоjlantirish vazirligi

Masalaning qo’yilishi

Biz O’zbekistonga tashrif buyuruvchi sayohatchilarga O’zbekiston bo’ylab sayohatlarida ko’maklashuvchi android mobil ilova ishlab chiqishimiz kerak. Ushbu dastur Companion deb nomlanadi. Dastur O’zbekistonning to’rtta sayyohlar eng ko’p tashrif buyuradigan shaharlari haqidagi ma’lumotlarni o’zida jamlashi kerak. Bundan tashqari Companion dasturi uch xil tilda ishlash imkoniyatiga ega bo’ladi.
Dasturni tayyorlash uchun quyidagi ishlarni amalga oshirishimiz kerak bo’ladi:

1. 
   Android Studio ni o’rnatamiz va sozlaymiz.
   
2. 
   O’zimizga kerakli aktivitiylarni yaratib olamiz.
   
3. 
   Dastur uchun kerakli ma’lumotlar va suratlarni yig’amiz.
   
4. 
   Dastur dizaynini ishlab chiqamiz.
   
5. 
   Dastur ma’lumotlar bazasini yaratamiz va uni dastur bilan bog’laymiz.
   
6. 
   Dastur uchun Google Maps ni sozlaymiz.
   
7. 
   Dasturni ishga tushiramiz va uni testlaymiz.
   

Companion dasturida Toshkent, Samarqand, Buxoro va Xorazmdagi mehmonxonalar, restoranlar, muzeylar, tarixiy obidalar va bog’lar haqida ma’lumot olish imkoniyati bo’lishi lozim. Bunga qo’shimcha ravishda dasturda Google xaritadan foydalanamiz. Google xarita orqali siz obyektlarning joylashuvi va foydalanuvchining joylashuvini bilish imkoniyatiga ega bo’lasiz. Dastur oltita aktivitiydan iborat bo’ladi. Birinchi aktivitiyda siz o’zbek, ingliz yoki rus tillaridan birini tanlashingiz mumkin. Undan keyingi aktivitiy sizga shaharlar ro’yxatini namoyish etadi. Siz ulardan birini tanlaysiz va keyingi aktivitiyga o’tasiz. U yerdan siz mehmonxona, restoran, muzey, tarixiy obida, bog’lar guruhlaridan birini tanlashingiz mumkin. Ushbu aktivitiyda siz shaharning xaritasi va agar toshkent shahrini tanlagan bo’lsangiz Toshkent metropolitenining xaritasini ko’rishingiz mumkin.
Agar siz birinchi beshta guruhdan birini tanlaydigan bo’lsangiz, o’sha guruhga kiruvchi obyektlar ro’yxati keyingi aktivitiyda ko’rsatiladi. Agar xaritani tanlaydigan bo’lsangiz shahar xaritasi ko’rishingiz mumkin. Agar metroni tanlasangiz metro xaritasi sizga ko’rsatiladi.
Keyingi aktivitiydagi ro’rxatdan bir obyektni tanlab u haqida to’liq ma’lumotga ega bo’lishingiz mumkin. Bundan tashqari uni joylashuvini Google xarita orqali ham ko’rishingiz mumkin.
Dasturni ishlab chiqish uchun 30 kun muddat belgilandi.

6.