Dasturda Google Maps dan foydalanish
Companion dasturida siz nafaqat obyektlar haqida ma’lumot olishingiz, balki ularni qayerda joylashganini xarita orqali bilishingiz ham mumkin. Ushbu servis xizmatini yo’lga qo’yishda biz Google Maps dan foydalanamiz.
Buning uchun biz bir necha ishlarni bajarishimiz kerak bo’ladi:
Android Studio ni Google Maps bilan ishlash uchun sozlaymiz.
Google Maps Android API uchun API kalit olamiz.
Xaritani dasturimiz oynasiga joylashtiramiz.
Google Maps API dan foydalanishimiz uchun biz Google ga dasturimiz paketi nomini taqdim etishimiz kerak. Bizning dastur Google servislariga bog’lanishi uchun bizga Android SDK ning ma’lum komponentlari kerak bo’ladi. Bular Google Play services hamda Google Repository. Agar ushbu paketlar yuklanmagan bo’lsa, ularni yuklab olish zarur.
Keyin dasturimizning build.gradle faylining dependencies bo’limiga Google Play services uchun kerakli bog’liqliklarni qo’shishimiz kerak bo’ladi (6-rasm).
6-rasm. Loyihaning build.gradle fayli.
Shu bilan Android Studio ni tayyorlash ishlari yakuniga yetadi. Endi biz dasturimiz uchun API kalit olamiz. Buning uchun biz dasturimizni dasturchilar konsolida ro’yxatdan o’tkazishimiz kerak. Buni biz console.developers.google.com saytida amalga oshiramiz. So’ngra biz o’sha saytning o’zidan API kalitni olamiz.
Kalitni olganimizdan so’ng biz uni dasturimizga qo’shishimiz kerak. Android Studio da AndroidManifest.xml faylini ochamiz. Unga 7-rasmda ko’rsatilgan meta-data tegini qo’shamiz.
7-rasm. AndroidManifest.xml ga meta-data tegini qo’shamiz
Endi loyihamiz ekraniga xaritani joylashtirish vaqti keldi. Maket faylini ochamiz va unga 8-rasmda ko’rsatilgan fragment tegini qo’shamiz.
8-rasm. activity_maps.xml faylidagi fragment tegi.
9-rasm. MapActivity.java faylidagi onMapReady metodi.
MapActivity.java faylida onCreate metodidan so’ng onMapReady metodi ishga tushadi. Bu metodga GoogleMap toifasidagi obyekt yuboriladi va u mMap o’zgaruvchisiga o’zlashtiriladi. Keyin biz kordinatlarni ifodalovchi LatLng obyektini yaratib olamiz. cameraPosition obyekti xaritani dastur ekranida joylashuvini belgilash uchun ishlatiladi. Agarda place_id o’zgaruvchisi qiymati -1 ga teng bo’lmasa o’sha joyga xaritada marker qo’yiladi. GoogleMap klassining setMyLocationEnabled metodi foydalanuvchini turgan joyi xaritada aks etadimi yoki yoqligini belgilab beradi. onMapReady metodida biz unga true qiymat berdik. Shu sababdan biz turgan nuqta xaritada ko’rsatiladi. Dastur natijasini 10-rasmda ko’rishingiz mumkin.
10-rasm. Companion dasturida xaritaning ko’rinishi.
Ushbu oynada O’zbekiston mehmonxonasi marker bilan belgilangan. Foydalanuvchi turgan joy esa ko’k aylana shakl bilan ko’rsatilgan.
Do'stlaringiz bilan baham: |