O’zbekistan Awil xojaligi Ministrligi

1. Xitridiomitsetlar klasına kiriwshiler rawajlanıwı suw menen baylanıslı bolg`an zamarrıqlar toparınan. Olardın` du`ziliwi a`piwayı bolıp, vegatativ denesi ameboidtan ibarat. Vegatativ da`wirde ameboid o`simlik kletkasında bolıp, onda bir qılshıqlı zoosporalı zoosprangiyler rawajlanadı.
2. Zigomitsetlar klası wa`killeri to`men zamarrıqlar esaplanadı. Olar saprofit halda, sonday–aq o`simlik ha`m haywan qaldıqlarında parazit tu`rinde tirishilik etip, o`nimlerdi saqlaw da`wirinde zıyanlaydı.
3. Oomitsetlar klası zamarrıqları to`men zamarrıqlar toparına kiredi. Bul klassqa kiriwshi zamarrıqlar vegetativ denesi jaqsı rawajlanbag`an mitseliydan ibarat, biraq gifalar bir kletkalı esaplanıp, saprofitlik, qurg`aqlıqta parazitlik jasawshı organizmlerden ibarat.
4. Qaltashalılar (Ascomycetes) klası jetilisken zamarrıqlar toparı bolıp, 20000 artıq tu`rleri bar. Jınıslı ha`m jınıssız ko`beyiwde konidiyalar arqalı o`tedi. Bul klass zamarrıqları miywe denesi ishinde jaylasıp, formaları ha`r qıylı, jaylasıwına qarap 3 genje klassqa bo`linedi: 1. Jalan`ash qaltashalı (Hemiascomycetidae). 2. Haqıyqıy qaltashalı (Euascomycetidae). 3. Lokuloaskomitsetlar (Loculoascomycetidae).
5. Bazidiomitsetlar (Basidimycetes) klasına kiriwshiler jetilisken zamarrıqlar toparı, mitseliyası jaqsı rawajlanbag`an ha`m ko`p kletkalı, jınıslı ha`m jınıssız ko`beyedi. Jınıssız ko`beyiw vegetativ jol menen konidiyasporalar ja`rdeminde ko`beyedi. Du`zilisine qarap 2 genje klassqa bo`linedi:1. Xolobazidiomitsetlar. 2.Teliobazidiomitsetlar.
6. Jetilmegen zamarrıqlar (Deuteromycetes) klası wa`killerinin` denesi ko`p kletkalı mitseliydan ibarat, jınıssız, konidiya ha`m konidiya ayaqshaları ja`rdeminde ko`beyedi. Topıraq ha`m o`simlik qaldıqlarında saprofit ha`m parazit halda jasaydı. Ayrım tu`rleri antibiotik zamarrıqlar esaplanadı (penitsillium, aspergillus), birazı ju`da` qa`wipli (shiriw, daqlanıw, solıw) keselliklerdi qozg`atadı.