“Она тили ў?итиш махсус методикаси” номли дарслик

Yoddan  yozish  –  o‘quvchilarning  orfografik  ziyrakligini  o‘stirishga  mo‘ljallangan 
mustaqil  mashq  turi  hisoblanadi.    Yoddan  yozish  uchun  doskaga  yozilgan  yoki 
kitobdagi matn orfografik tahlil qilinganidan so‘ng yodlatiladi va berkitib qo‘yiladi.  
O‘quvchilar  yodlagan  she’riy  yoki  prozaik  asarni  yoddan  yozadilar.    Yordamchi 
maktabda diktovka qilib yozdirish ham mumkin.  O‘quvchilar yozib bo‘lgach, matn 
ochiladi va ular yozganlarini tekshiradilar.  
   
Ayrim  vaqtlarda  matn  bir  kun  oldin  chuqur  tahlil  etilgach,  u  uyda  ko‘chirib 
yozishga topshiriladi, keyingi darsda diktovka asosida yozdiriladi, so‘ng kitobdagiga 
solishtirib tekshiriladi.  Bunday ish turi ko‘ruv diktanti deb ham yuritiladi.  
 
Yoddan  yozish  imlosi  qiyin  so‘zlarni  o‘rgatishda  ham  juda  qulay  ish  turidan 
biri bo‘lib hisoblanadi.  Bunda ishlar grammatik va orfografik mavzularni o‘rganish 
bilan birga qo‘shib olib boriladi.  O‘qituvchi o‘quvchilarga imlosi qiyin so‘zlarning 
yozilishini  esda  saqlab  qolishini  ta’kidlaydi  va  buning  uchun  kuyidagi  ish  turlarini 
bajartiradi: 1. so‘zni vval ichda ovozsiz, so‘ngra diqqat bilan ovoz chiqarib o‘qish; 2. 
so‘z ma’nosini tushunib olish; 3. So‘zlarni bo‘g‘inlab o‘qish va yozish; 4.  so‘zning 
esda saqlash lozim bo‘lgan o‘rni tagiga yozish; 5. yozganlarni lug‘atdan tekshirish; 
6. shunga o‘xshash boshqa so‘z topib, uni yozish.