Nizomiy nomidagi toshkent davlat pedagogika universiteti tarix fakulteti

Globallashuv jarayonlarining yoshlar ma’naviyatiga ta’siri
. 
Reja.
1. Jamiyat hayotining globallashuvi, moxiyati va undan ko‘zlangan maqsadlar.
2. Globallashuvning yoshlar ma’naviyatiga aks ta’siri va uning namoyon bo‘lishi.
3. Mafkuraviy jarayonlarning globallashuvi va uning yoshlar ma’naviyatiga ta’sir 
qilish vositalari. 
O‘quv mashg‘ulotining maqsadi:
O‘quvchilarga globallashuv sharoitida
mafkuraviy-ma’naviy tahdidlarning o‘ziga xos xususiyatlari, uning yoshlar 
ma’naviyatiga ta’siri va uning oqibatlari ta’sirini tushuntirib berish va unga qarshi 
kurashda ta’lim tizimi oldidagi vazifalarni tushuntirib berish. 
O‘quv faoliyatining natijasi: 
O‘quvchilarga Jahon mafkuraviy manzarasini unda 
kechayotgan turli darajadagi xurujlar haqida bilimga ega bo‘lishadi.
 
 
2-ilova 
 
Jamiyat hayotining globallashuvi, moxiyati va undan ko‘zlangan 
maqsadlar. 
 
Insoniyatning aql salohiyati o‘sib borgani sari uning ehtiyojlari ham oshib 
bormoqda. U bugun kechagiga qaraganda, ertaga esa undan-da ko‘proq yaxshi 
yashashga, moddiy-ma’naviy barkomollikka ershishga va farovon hayot kechirishga 
intilmoqda. Aslida bu insoniyat taraqqiyotining mazmuni, uning hayot kechirish 
qonuniyati va falsafasi hisoblanadi. Agar ana shu intilish bo‘lmaganda insonlarning 
boshqa mavjudodlardan farqi ham qolmagan bo‘lur edi. 
Shunday ekan uning intilish va harakatlarining nimasi yomon? Muammo, ana shu 
intilishlarda moddiy manfaatdorlikka bo‘lgan intilish bilan ma’naviyatni unga mos 
ravishda rivojlantirishga bo‘lgan zaruriyat o‘rtasidagi muvozanatning yo‘qolib borishida 
namoyon bo‘lmoqda. Buni yuksak darajada taraqqiy qilgan mamlakatlar o‘zlarining 
ulkan intellektual salohiyatlari bilan fan, texnika va texnologiyaning eng zamonaviy 
turlarini yaratib, ular vositasida mintaqalarda mavjud bo‘lgan xom-ashyo resurslarini 
qo‘lga kiritishning eng jirkanch uslublaridan foydalanib, ana shu mintaqa xalqlarini
avvalo moddiy jixatdan qaram qilish hamda bu omil vositasida ularni o‘ziga xos 
ma’naviyatini ham barbod qilish yo‘li bilan uning o‘rniga o‘zlarining ma’naviyatini 
ommaviylashtirishdek ma’naviy amaliyotida namoyon bo‘layotganligida ko‘rish 
mumkin.