Наманган давлат университети Наманган муҳандислик-қурилиш институти

3.2. Ўзбекистонда кичик бизнесни давлат томонидан тартибга солиш
ва ишбилармонлик муҳити таҳлили

Ўзбекисонда қулай ишбилармонлик муҳитини яратиш мақсадида амалга оширилган чора-тадбирлар доирасида кичик бизнес ва хусусий тадбиркорликни давлат томонидан қўллаб-қувватлаш узлуксиз давом эттирилмоқда (3.5-расм). Ушбу сектор иштирокчилари учун барча турдаги ресурслардан, кенг фойдаланишни таъминловчи бозор воситалари, механизмлари ва амалиёти такомиллаштириб борилди.

Бугунги кунда кичик бизнес ва тадбиркорлик субъектлари фаолияти учун барча шарт-шароитлар яратилган бўлиб, уларнинг меъёрий-ҳуқуқий базаси давлат томонидан тўлиқ кафолатланган. Жумладан, тадбиркорларга берилаётган кўплаб имтиёзлар, моддий-техника таъминоти, молиявий ва ижтимоий жиҳатдан қўллаб-қувватлаш бўйича хизмат қилаётган инфратузилмалар мамлакатда ишбилармонлик муҳитини яхшилашда муҳим роль ўйнайди. Бугунги кунга келиб кичик бизнес ва тадбиркорлик субъектлари фаолияти учун барча шарт-шароитлар яратилган бўлиб, уларнинг меъёрий-ҳуқуқий базаси давлат томонидан тўлиқ кафолатланган.
Шу боис, Ўзбекистонда кичик бизнесни давлат томонидан тартибга солиш, ушбу секторни ривожлантириш йўлидаги ислоҳотларда ижобий натижаларни кўриш мумкин. Бунга шубҳамиз йўқ, албатта. Бу фикримизнинг далили сифатида Халқаро молия корпорациясининг «Doing Business» гуруҳи томонидан эътироф этилган рейтинг натижаларини эслаш ўринлидир (2.2- ва 2.3-бандларга қаранг).

3.5-расм. Ўзбекистонда кичик бизнес субъектларини давлат томонидан қўллаб-қувватлаш шакллари²⁷⁷

«Ишбилармонлик муҳитини яхшилаш бўйича қабул қилинаётган чоралар самарадорлиги ва натижадорлиги етакчи халқаро молиявий ташкилотлар ва рейтинг агентликларининг ижобий баҳоларида холисона акс эттирилмоқда. Жаҳон банкининг «Бизнесни юритиш — 2018» ҳисоботида Ўзбекистон тадбиркорлик учун янада қулай шароитлар яратиш бўйича ислоҳотчи давлатлар қаторида жаҳонда биринчи ўнталикка кирди»²⁷⁸.

2019 йил йилда «Doing Business»да келтирилган ўнта кўрсаткичлар бўйича янада яхшироқ натижаларга эришиш мақсадидаги фаол саъй-ҳаракатлар давом этди. Натижада Ўзбекистон «Doing Business — 2020» халқаро бизнес жозибадорлиги рейтингида 190 мамлакат ичида 7 поғонага кўтарилиб, 69-ўринни эгаллади. Шунингдек, мамлакатимиз ишиблармонлик муҳитини яхшилашда катта ютуққа эришган давлатларнинг кучли TOP-20 талигига кирди. «Бизнесни рўйхатдан ўтказиш» индикатори бўйича эса давлатимиз 8-ўринни эгаллаб, кучли TOP-10 таликка кирди²⁷⁹.
3.4-жадвал