Microsoft Word Ko‚chmas mulkka investitsiyalash doc

Yakka tartibdagi uy-joyni rekonstruksiya qilishga ipoteka kre-
diti ajratish tartibi. 
Ipoteka krediti bo‘yicha foizlar kredit mablag‘lari qarz oluvchining 
ssuda hisobvarag‘idan o‘tkazilgan kundan boshlab hisoblanadi. 
Bank tomonidan ipoteka kreditlari pul mablag‘larini qarzdorning 
ssuda hisobvarag‘idan qarz oluvchining bank kredit kartochkasiga o‘tka-
zish orqali berilishi mumkin. Bunda bank kredit (plastik) kartochkasi qarz 
oluvchi nomiga alohida shartnoma tuzish orqali beriladi. Shartnomada 
ushbu bank kredit plastik kartasidagi mablag‘lardan faqat yakka 
tartibdagi uy-joyni rekonstruksiya qilish uchun qurilish materiallari sotib 
olish maqsadida foydalanilishi mumkinligi qayd etilishi lozim. Ushbu 
bank plastik kartochkasidan naqd pul berishga yo‘l qo‘yilmaydi. 
Qarz oluvchi har oyda bank kredit plastik kartasi bilan amalga oshi-
rilgan operatsiyalar haqidagi hisobotni, sotib olingan tovarlar uchun cha-
kana savdo tashkilotlari va yakka tadbirkorlar tomonidan berilgan termi-
nallar cheklari, hisoblar, kvitansiyalar, yuk xati va qonunchilikda belgi-
langan boshqa hujjatlarni ilova qilgan holda bankka taqdim etishi lozim. 
Bank tomonidan hisobotga ilova qilingan hujjatlarni tahlil qilish 
jarayonida hisob-kitoblarda bank kredit kartochkasi orqali kreditning 
maqsadsiz ishlatilganligi aniqlanganda bank kredit kartochkasi berish 
haqidagi shartnoma bekor qilinadi, bank kredit kartochkasi hisobvarag‘i 

---

 
62
yopiladi va bank kredit kartasi (plastik karta) olib qo‘yiladi. Kreditning 
maqsadsiz ishlatilgan qismiga kredit shartnomasida belgilangan miqdor-
da neustoyka hisoblanadi va uni undirish choralari ko‘riladi. 
Bank tomonidan monitoringni amalga oshirish tartibi, nazorat o‘l-
chovini o‘tkazish, kreditdan boshqa maqsadlarda foydalanganlik uchun 
qarz oluvchiga nisbatan qo‘llaniladigan javobgarlik choralari kredit 
shartnomasida belgilangan bo‘lishi kerak. Monitoring joyiga borib, 
amalga oshiriladi. 
Monitoring quyidagicha tashkil etiladi: 
– kredit va garov predmetining maqsadli ishlatilishi, kreditning bu-
tun foydalanish davri davomida, chorakda kamida bir marta joyiga chi-
qib tekshiriladi; 
– qarz oluvchining moliyaviy holatini har chorakda baholash; 
– kredit shartnomasi, garov shartnomasi va kreditga tegishli bosh-
qa hujjatlar shartlarining bajarilishini tekshirish. 
Monitoring, joyiga chiqib ishni o‘rganish, pudrat tashkilotilari bi-
lan muzokaralar olib borish ishlari yozma ravishda rasmiylashtirilib bo-
riladi. Qarz oluvchi kredit shartnomasi va garov shartnomasi bo‘yicha 
majburiyatlarni bajarishga ta’sir ko‘rsatadigan, oilasining holati o‘zgar-
ganligi, ish joyini almashtirganligi, daromadlari o‘zgarganligi (shu jum-
ladan, aloqador qarz oluvchilarniki) va boshqa ma’lumotlarni yoki holat-
larni o‘z vaqtida taqdim etib borishi lozim. Kredit shartnomasida belgi-
langan muddatda qarz oluvchi bankka o‘zining moliyaviy holati haqida 
yangilangan ma’lumotlarni taqdim etishi shart. 
Kredit hisobiga sotib olingan uy-joydan qarz oluvchi va oila a’zo-
lari yashashi uchun foydalanilishi lozim. Sotib olingan uy-joyni ijaraga 
berish taqiqlanadi. 
Qarz oluvchi tomonidan krediti va hisoblangan foizlar bo‘yicha 
to‘lovlar to‘lanmaganda yoki o‘z vaqtida to‘lanmaganda, shuningdek, 
qonun hujjatlarida nazarda tutilgan boshqa hollarda bank qonunchiligida 
belgilangan tartibda undiruvni kredit ta’minoti sifatida qo‘yilgan garov 
mulkiga va qarzdorning boshqa likvidli mol-mulklariga qaratadi.