Maktabgacha ta’limga qo‘yiladigan davlat talablari

XXI bob. Ijtimoiy-hissiy rivojlanish 

1-§. Ijtimoiy rivojlanish 

226. Quyidagilar 3 yoshdan 5 yoshgacha bo‘lgan bolalarda ijtimoiy rivojlanish talablari hisoblanadi: 

tanish va notanish odamlarni ajrata olish; 

boshqa bolalar va katta yoshdagilar bilan muloqot qilish ko‘nikmalarini rivojlantirish qobiliyatiga ega 

bo‘lish. 

227.  Quyidagilar  3  yoshdan  5  yoshgacha  bo‘lgan  bolalarda  ijtimoiy  rivojlanish  indikatorlari 

hisoblanadi: 

oila a’zolariga nisbatan iliq munosabatlarni namoyon etish, ularning iltimoslarini bajarishga harakat 

qilish; 

oilasi va yaqinlari, nimalarni yaxshi ko‘rishi, yoqtirmasligi to‘g‘risida so‘zlab berish; 

yordam so‘rab yaqin tanish katta kishisiga murojaat etish; 

nutqdan foydalanish asosida muloqot qilish; 

og‘zaki ko‘rsatma bo‘yicha buyumlar bilan harakat qilish; 

kattalar bilan juftlikdagi o‘yinlarga faol kirishish; 

o‘yinchoqlarini boshqa bolalar bilan o‘rtoqlashish; 

o‘yin vaqtida hamkorlik qilish, rollarni qanday taqsimlash va o‘yin mazmuni yuzasidan kelishish. 

228. 3 yoshdan 5 yoshgacha bo‘lgan bolalar ta’limiga quyidagicha yondashish lozim: 

bolada katta yoshdagilarga nisbatan ijobiy munosabatni saqlab turish; 

bolani har kuni guruh bilan birgalikda ayrim harakatlarni bajarishga jalb qilish; 

bola bilan birga turli rasmlar, fotosuratlar, tasvirlarni tomosha qilish; 

bola bilan muloqot qilayotganda, uning qadr-qimmatini hurmat qilish, uning hissiyotlarini tushunishga 

urinish; 

bolani madaniyatga jalb etish; 

bola  bilan  teskari  aloqani  saqlab  turish  (boshni  silkitish,  tabassum  qilish,  boshqa  ijobiy  e’tibor 

belgilarini namoyon etish) va bu bilan “men sen bilan”, “men seni tushunaman” deb aytilayotganligini unga 

anglatish; 

bolaning boshqa bolalar bilan o‘ynashini rag‘batlantirish. 

229.  3  yoshdan  5  yoshgacha  bo‘lgan  bolalarning  xavfsiz  yashashi  va  harakatlanishini  ta’minlash 

maqsadida quyidagilarga rioya qilish lozim: 

bola o‘z muvaffaqiyatsizliklarini boshidan og‘ir kechirishi, ko‘p xafa bo‘lishi, janjallashishi sababli, 

uning bir o‘zini bunday ahvolda qoldirmaslik; 

katta yoshdagilar orqali bolaning ruhiy ta’sirlanish holatini yaxshilash zarur.