M. F. Ziyayeva xirurgik kasalliKlar bilan og‘rigan va intensiv terapiyani o‘tayotgan beMorlarda HaMsHiraliK parvarisHi

Ichaklar invaginatsiyasi ichak tutilishining strongulatsion va 
obturatsion  turlari  o‘rtasidagi  oraliq  turi  hisoblanadi.  Ichakning 

---

136
bir  bo‘lagi  uning  davomi  bo‘lmish  ikkinchi  bo‘lagining  ichiga 
kiradi.  Ko‘pincha  ingichka  ichak  ko‘richak  sohasida  yo‘g‘on 
ichakning  ichiga  kirib  qoladi.  Ingichka  ichak  ingichka  ichakka, 
yo‘g‘on  ichak  yo‘g‘on  ichakka  kirib  qolishi  mumkin.  Blastula 
devori  bir  qismining  blastula  ichiga  noto‘g‘ri  kirishi  va  ichak 
devorlarining  to‘lqinsimon  harakati  ichak  kasalliklariga  sabab 
bo‘ladi.  Invaginatsiyada  ichak  tiqilibgina  qolmay  (obturatsiya), 
balki  ichak  tutqich  tomirlari  ezilib  ham  qoladi  (strongulatsion). 
Natijada  qon  aylanishi  buziladi  va  keyinchalik  invaginatsiya 
bo‘lgan ichak bo‘lagi nekrozga uchraydi.
Ichak  tutilishi  ichak  tutqich  tomirlarda  qon  laxtasi  hosil 
bo‘lishiga  bog‘liq  bo‘lishi  ham  mumkin.  Trombozga  shikastlar, 
qon  ivishi  xususiyatining  oshganligi,  ichakning  yallig‘lanish 
kasalliklari  sabab  bo‘lishi  mumkin.  Mezenterial  tomirlar 
trombozidan  ichak  ma’lum  bo‘limining  qon  bilan  ta’minlanishi 
buziladi, keyinchalik esa jonsizlanish va gangrena rivojlanadi.