Klinik dietologiya va nutrisiologiya

6-BOB. MINERAL SUVLAR VA ULARNING KASALLIKLARDA 
SHIFOBAHSH XUSUSIYATLARI 
Mineral suvlar tasnifi 
 
Suvni  minerallashgan  xususiyati  barcha  kation,  anion  va  dissotsiatsiya 
bo‘lmagan molekulalarni 1 litr suv miqdoridagi yig‘indisidir. 
Suvni  minerallashgan  darajasi  2  gr/l  dan  yuqori  bo‘lganda,  u  mineral  yoki 
shifobaxsh hisoblanadi. Mineral suvlar ion tarkibi bo‘yicha 5 guruhdan iborat, ya’ni 
xloridli, sulfatli, gidrokarbonatli, nitritli va murakkab tarkibli. Shuningdek mineral 
suvlar temir, yod, brom, kremniy, temir kabi faol ionlarni, azot, serovodorod, radon, 
karbonat  angidrid  gazlarini  tutishi  mumkin.  Fizikal  holati  jihatidan  sovuq,  iliq  va 
issiq bo‘ladi. Masalan, “Barjomi” mineral suv gidrokarbonatga, Pyatigorek suvlari 
sulfat  minerallariga,  Esentuki  esa  gidrokarbonat  va  xloridli  minerallarga  boy. 
Mineral  suvlarni  shifobaxsh  ta’siri  aksariyat  kasalliklarda,  jumaladan  yurak-qon 
tomir asab xastaliklari, operatsiyadan so‘nggi va reabilitatsiya holatlarida, ayniqsa 
hazm a’zolari, buyrak va modda almashinuvi buzilishi bilan kechuvchi kasalliklarda 
keng  qo‘llaniladi.  Masalan,  surunkali  sekretor  etishmovchiligi  bilan  kechuvchi 
gastritda  o‘rta  darajada  minerallashgan  gidrokarbonat,  xlorid  va  natriy  tarkibli 
mineral suvlar 25-30 0S  haroratda 1 stankandan 3  mahal ovqat oldi  ichish tavsiya 
etiladi, jumladan Esentuki №4 yoki №17.