Физикавий ва физик – кимёвий усулларни сифат таҳлилда қўлланиши Кириш Сифат таҳлилда, жумладан фармацевтик таҳлилда, илгариги бобларда баён этилган аналитик реакциялардан ташқари, «Ускунавий усуллар»

Баъзи оптик фаол моддаларни эритмадаги қутбланган нур
текислигини солиштирма буриш [α] қийматлари

Оптик актив моддалар	Эритувчи	t, °С	, градус
d-Адреналин	0,3 мол/л НСl	20	+51,9
l-Адреналин	0,4 мол/л НСl	20	-51,4
L- Аскорбин кислотаси	Метанол	20	-48
D- Аскорбин кислотаси	Метанол	20	+48,3
D-Аскорбин кислотаси	Сув	20	+23,0
D-Узум кислотаси	Сув	20	+11,98
L-Узум кислотаси	Сув	20	-11,98
D-Глюкоза	Сув	20	+53,1
d - Никотин	Сув	20	+77
l - Никотин	Сув	20	-79,4
d- Никотин	Тоза модда	20	+163,3
l-Никотин	Тоза модда	20	-169,3
D-Сахароза	Сув	20	+66,5
Фруктоза	Сув	20	-92

Люменисцент таҳлил (флуориметрия). Люменисцент таҳлилни (1 боб, 1.2 бўлимга қаранг) сифат таҳлилда қўлланиши, электромагнит нур, электр учқун, кимёвий реакция ёки термик таъсир натижасида энергетик қўзғатилган моддадан тарқалаётган люменисцент нур интенсивлигини қайд этишга асосланган. Қўзғатувчи энергияни (масалан, спектрни УБ ёки кўринадиган соҳа нурларини) ютгач, модда молекулалари асосий (қўзғалмаган) энергетик ҳолатдан қўзғалган электрон – тебранма ҳолатга ўтади. Сўнгра моддага ютилган энергиянинг бир қисми зудлик билан йўқолади (энергиянинг нурланмасдан йўқолиши) қолган қисми эса молекула асосий (қўзғалмаган) ҳолатга қайтиш жараёнида люменисцент нур кўринишида ажралади. Бу нурланиш муддати τжуда қисқа. Спонтан люменисценцияда τ ≈ 10^-7 – 10^-10 секундни ташкил этади. Мазкур қисқа муддатли люменисцент нурланиш (шуълаланиш) флуоресценция, флуоресценция интенсивлигини қайд этувчи усул эса флуориметрия деб аталади. Кимёвий таҳлилда, қўзғатувчи УБ нурлар таъсирида содир бўладиган, флуоресценция қўлланади. Флуоресценция люменисцент моддаларнинг ҳар бирини ўзигагина хос специфик хусусиятдир.
Флуоресценция ходисаси кўпчилик органик бирикмаларда ва металл комплексларида кузатилади. Нодир металлар ва уранил UO₂²⁺ иони ҳам шундай хусусиятга эга. Флуоресцент хоссага эга бўлмаган катион, анион ва молекулани бундай усулда очиш учун люменисцент реагентлар таъсир этиб, реакция маҳсулотининг ўзига хос флуоресценциясига кўра тегишли хулоса чиқарилади.
Кўп ҳолларда бу усул селектив бўлиб, сезгирлиги бир неча микрограмдан – 10^-9 мкг ни ташкил этади. Сезгирлиги юқори бўлгани сабабли моддаларни ғоятда оз миқдорини очишда ишлатилади.
Кўпчилик катионлар ва баъзи анионлар учун люменисцент реакциялар ишлаб чиқилган.
Моддаларнинг флуоресценция хусусиятига эритилган модда ва эритувчини табиати, концентрацияси, рН – қиймати, ҳарорат ва ёт аралашмалар кучли таъсир этади. Дори препаратларнинг таҳлилида бу усул, препарат таркибий қисмини очишдан кўра, кўпроқ, уни аниқлаш мақсадида ишлатилади.