Dissertatsiya ishi mavzusini tanlash bo‘yicha asosnom a

Mavzuning Respublikada olib borilayotgan ilmiy tadqiqotlarning ustuvor yoʻnalishlarga mosligi: Tadqiqot maqsadi “Oʻzbek folklorida latifa janri (janr tabiati, tasnifi va badiiyati)” mavzusida oʻzbek folklorshunosligining yangicha tamoyillarini latifa janri misolida yoritish.
Muammoning oʻrganilganlik darajasi. Xalq latifalari voqeaband, yumoristik xarakterdagi xalq hajviyoti janrlaridan biri bo'lganligi tufayli tadqiqodchilar diqqatini ko’p vaqtlardan buyon o’ziga jalb etib keladi. Xususan, o’zbek folklorshunosligida R.Muqimov, Yo.Jo’rayev, X,.Razzoqov, Sh.Rizo, S.Abdulla, A.Rahmat, Sh.Shomaqsudov, Sh.Shorahmedov, B.Sarimsoqov, F.Yo’ldosheva, O.Sobirov, K.Imomov, B.Suvanqulov, Ya.Madaliyevlarning xalq latifalariga bag’ishlangan ilmiy tadqiqotlarida latifaning janr xususiyatlari, ularni to’plash, tadqiq etishga doir ishlarni amalga oshirgan tadqiqotlari kabilardir.
Tadqiqotning maqsadi: o’zbek xalq latifalarining yuzaga kelish tarixi, taraqqiyot omillarini aniqlash, tadrijiy taraqqiyot bosqichlarini tekshirish, xalq falsafiy va badiiy estetik qarashlarining shakllanishida ijtimoiy-tarixiy xususiyati va badiiyati, o’zbek xalq latifalari qaxramonlari xarakterini, latifalarning janr tabiati, poetik tipologiyasini ochib berishdan iborat.
Tadqiqotning vazifalari: o'zbek va qozoq xalq latifalarini qiyosiy-tipologik jihatdan yoritish;
latifalarning janr xususiyatlari va poetik tabiatini belgilash;
o’zbek xalq latifalarining yaratilish tarixi va vujudga kelish omillarini ko’rsatish;
latifalarda aks etgan milliy mentalitetning o’ziga xos jihatlarini qiyosiy-tipologik jihatdan tekshirish;
o’zbek xalq latifalarining janr tabiati va ularning tasnifini ilmiy-nazariy jihatdan asoslash;
o’zbek xaq latifalarining badiiyatini, obrazlar tizimi va badiiy xususiyatlarini qayd etish.
Tadqiqot obyekti va predmeti: O’zRFA Oʻzbek tili adabiyoti va folklor instituti arxivida 621-1510, 1560-inv. raqami bilan saqlanayotgan folklor ekspeditsiyasi materiallari, folklorshunoslikda oʻrganilishi boʻyicha olib borilgan tadqiqot ishlari va yaratilgan asarlar, avtoreferatlari lmiy maqolalar. Oʻzbek xalq latifalarining syujeti, motivlari, tasnifi va badiiyatini tahlil kilish tashkil etadi.