Baliq kasalliklari fanidan ma’ruzalar to’plami termiz- 2021

3.MAVZU: БАЛИҚ КАСАЛЛИКЛАРИНИ АНИҚЛАШ УСУЛЛАРИ
Режа:

1. 
   Умумий эпизоотология асослари
   
2. 
   Касаллик манбалари, узатилиши, механизми ва омиллари
   
3. 
   Эпизоотиянинг намоён бўлиши ва кечиши
   
4. 
   Эпизоотиянинг ташқил топиши ва динамикаси
   
5. 
   Балиқлар касалликларини ташхиси, даволаш ва олдини олиш
   

Таянч иборалар: Эпизоотология, панзоотия, ихтиопатология, эпидемиология.
Эпизоотология-юқумли (инфекцион) касалликларнинг пайдо бўлиши, тарқалиш сабаблари, уларга қарши кураш тадбирлари ҳамда бу тадбирларни амалга оширишнинг ташқилий усулларини ўргатадиган фан.

Юқумли касалликлар қадимги замон солномаларидан маълум. Чунончи, эрамиздан 2000 йил илгари қадимий солномаларда баъзи юқумли касалликлар қайд қилинган. Ўрта Осиёда Абу Али ибн Сино, Муса Ал Хоразмий ва бошка алломалар томонидан ўрта асрларда (Х аср) ва ундан кейинги даврларда одамларнинг кўп касалликлари, шу жумладан юқумли касалликлар (вабо, ўлат, қутириш, трахома ва шу кабилар) ўрганилган. Кўпгина юқумли ва хавфли касалликларнинг Қўзғатувчилари бўлмиш фильтрланувчи вирусларни биринчи бўлиб рус олими Д.И.Ивановский кашф этган (1892 йил). Пастернинг замондоши ва у билан бирга ишлаган рус олимларидан И.И.Мечников, Л.С.Ценковскийларнинг эпизоотология фанини ривожлантиришдаги хизматларини, яъни И.И.Мечниковнинг биринчи бўлиб иммунитетда фагоцитознинг аҳамияти назариясини ишлаб чикканлаги, Л.С. Ценковский эса Россия шароитида биринчи бўлиб куйдирги вакцинасини муваффакият билан тарғиб килганлигини алоҳида қайд қилса бўлади. Эпизоотология фанининг ривожланишида С.Н.Вишелесский, Н.А.Михин, Н.Е.Цветков, Я.Е.Коляков, Я.Р.Коваленко, М.С.Ганнушкин, А.А.Поляков ва бошка кўпчилик олимларнинг хизматлари жуда каттадир.