Асосий ривожланиш тенденция ва йўналишларини аниқлаб олиш муҳим аҳамият касб этади

Жаҳон валюта-молия тизими (ЖВМТ)
—халқаро иқтисодий муносабатлар доирасида узоқ 
давом этган эволюция ривожланиш босқичлар натижасида шаклланган ва давлатлараро 
битимлар орқали мустаҳкамланган валюта муносабатларини ташкил этишдаги кўринишдир.
Жаҳон ишчи кучи бозори (ЖИКБ)
— миллий хўжалик тизимлари ва жаҳон иқтисодиёти 
доирасида ишлаб чиқарувчи кучларнинг даражаси, табиати ва жойлашувига сезиларли 
таъсир этувчи иқтисодий фаол аҳолининг мамлакатлар ва ҳудудлар ўртасида жами 
миграцион айланмаси
Жаҳон пули – 
халқаро миқёсда ҳамма учун умумий харид воситаси, умумий тўлов воситаси, 
бойликнинг умумий моддий тимсоли, байналминал қиймат ифодаси бўлган пулдир. Жаҳон 
пули вазифасини дастлаб маълум вазифадаги олтин ёмбилари бажарган, сўнгра халқаро 
миқёсда обрў-эътиборли миллий пул (доллар, фунт стерлинг) жаҳон пуллари деб эътироф 
этилган.
Импорт – 
ички бозорда сотиш учун мамлакатга хорижий товарлар киритиш ва хизмат 
келтириш. Импорт миқдори ва такриби мамлакатнинг халқаро меҳнат тақсимотида тутган 
ўрнига боғлиқ.
Иммигрант –
мухожир, бошқа мамлакатдан кўчиб келган киши. 
Иммиграцион квота
— хорижий фуқароларни кириб келиши давлат томонидан миқдорий 
чеклаш.
Инвестор – 
ўз номидан ва ўз ҳисобидан мижозларнинг топшириғига биноан иқтисодий 
фаолиятнинг турли соҳаларига ўз капиталини қўювчи юридик ва жисмоний шахс. 
Инвестицион муҳит
— мамлакатлар иқтисодиётида хорижий инвестицияларнинг самарали 
айланиши, зарур бўлган шарт-шароитлар комплекси. 
Инжиниринг
— ишлаб чиқаришни таъминлаш, маҳсулот сотишни уюштириш, ишлаб 
чиқариш объектини қуриб, ишга тушириш бўйича хизматлар соҳаси. 
Инкассо
— мижоз (экспортёр) буйруғига кўра жўнатилган товарлар ёки хизматлар учун 
импортёрдан тўловни қабул қилиш ва бу маблағларни экспортёр ҳисобига ўтказиш 
операцияси.