Asos solingan yil

RealAudio.
RealNetworks tomonidan 1995 yilda yaratilgan audiofayllar formati. RealAudio (ra) fayllari turli kodeklar yordamida zichlashtiriladi. Bundan tashqari, yuklanayotgan paytning o‘zida aks ettiriladigan oqimli audio format sifatida ham qo‘llaniladi.
PDF. Portable Document Format.
Hujjatlarning tashuvchan formati. Elektron hujjatlarning turli platformalar tomonidan qo‘llaniladigan formati. PostScript tilining ba’zi xususiyatlarini qo‘llagan holda Adobe Systems kompaniyasi tomonidan ishlab chiqilgan. Asosan poligrafiya mahsulotlarini elektron shaklda aks ettirish uchun mo‘ljallangan. PDF ISO 32000 ochiq standarti hisoblanadi.
MySQL.
Ma’lumotlar bazasini boshqaruvchi erkin tizim. MySQL Sun Microsystems kompaniyasining mulki hisoblanadi. U qo‘llanmani dasturlaydi va qo‘llab turadi.
GNU General Public License yoki shaxsiy tijorat litsenziyasi bo‘yicha tarqatiladi. Bundan tashqari, MySQL AB kompaniyasi litsenzion foydalanuvchilar buyurtmasi bo‘yicha funksionallikni dasturlaydi.
Buyurtmalar tufayli eng oldingi versiyalarda replikasiya mexanizmi yaratilgan. MySQL kichik va o‘rtacha qo‘llanmalar uchun yechimdir. LAMPga kiradi. Odatda MySQL lokal yoki uzoqlashgan mijozlar murojaat qiluvchi server sifatida ham ishlatiladi. Ammo, distributivga ichki server kutubxonasi ham kiradi va u MySQL ni avtonom dasturlarga kiritish imkoniyatini beradi.
MS-DOS. MicroSoft Disk Operating System.
Microsoft korporatsiyasi tomonidan taklif qilingan operasion tizim. MS-DOSning birinchi rusumi 1981 yilda paydo bo‘lgan. Avvalambor, Microsoft tomonidan IBM uchun ishlab chiqilgan MS-DOS, IBM bilan uyg‘un kompyuterlar uchun standart operasion tizimdir.
MS-DOS 16-xonali operasion tizimi bo‘lib, u ko‘p foydalanuvchili va ko‘p vazifali rejimlarni qo‘llay olmaydi. Operasion tizimning muhim xususiyatlaridan biri mutaxassis bo‘lmagan foydalanuvchilarga amaliy jarayonlarni bajarishning qulay shakllarini taqdim qilsa, mutaxassislarga dasturiy ta’minotni ishlash uchun yaxshi asos taqdim qiladi.
MS-DOS kataloglar shajarasini tashkil qiladi, rivojlangan buyruqlar tiliga ega. MS-DOS amaliy jarayonlar, fayllar va tashqi qurilmalar bilan samarali ishlay oladi.
UNIX
Ko‘p vazifali va ko‘p foydalanuvchili operasion tizimlar guruhi. Birinchi UNIX tizimi 1969 yilda AT&T kompaniyasining Bell Labs bo‘linmasida ishlab chiqilgan. Undan keyin ko‘plab turli UNIX tizimlari yaratilgan.
UNIX tizimlarining asosiy xususiyatlariga quyidagilar kiradi: tizimni sozlash va boshqarish uchun oddiy matn fayllaridan foydalanish, buyruqlar qatori orqali bajariladigan utilitalardan keng foydalanish, foydalanuvchi bilan virtual qurilma – terminal orqali o‘zaro ishlash, har biri bitta vazifani bajaruvchi bir necha dasturdan iborat konveyerlardan foydalanish va h.k.
UNIX serverlarda hamda turli uskunalar uchun ichiga o‘rnatilgan tizimlar sifatida, shuningdek, shaxsiy kompyuterlarda ham ishlatiladi.
Linux
O‘zagi Unix operasion tizimi asosida ishlangan tarmoq operasion tizimi. Linux ilk bor 1991 yili Linus Torvalds tomonidan chiqarilgan. Linuxning muhim xususiyatlaridan biri-u bepul dasturiy ta’minot Fondi doirasida, GNU oshkora litsenziyasiga ko‘ra bepul tarqatiladi.