Agarbiz o’zbekistonimizni dunyoga tarannum etmoqchi, uning qadimiy tarixi va yorug; kelajagini ulug’lamoqchi, uni avlodlar xotirasida boqiy saqlamoqchi bo’lsak, avalombor buyuk yozuvchilarni, buyuk shoirlarni

ДАРС ЖАРАЁНИДА ИННОВАЦИОН ПЕДАГОГИК ТЕХНОЛОГИЯЛАРИДАН ФОЙДАЛАШ
 
ЖАББОРОВА Н.,
Иштихон педагогика коллежи ўқитувчиси. Самарқанд. 
 
Таълим жараёнида инновацияларни яратиш, излаш, тўплаш ва педагогик жараёнга татбиқ қилиш 
ҳозирги замон педагогикасининг долзарб муаммоларидан бири ҳисобланади. Таълим самараси кўп жиҳатдан 
ўқитувчининг масъулияти, ижодкорлиги ва фаоллиги, янгиликка бўлган интилишига боғлиқ. Профессор Ж.Ғ. 
Йўлдошев: “Педагогик инновация – янгиликни киритиш бу педагогик тизимдаги ўзгаришдир. Педагогик 
инновациялар тўғрисида турли даража ва поғоналарда фикр юритиш мумкин; давлат, регионал, олий таълим, 
касб-ҳунар, академик лицей ва умумтаълим мактаб, мактабгача таълим, мусиқа мактаблари ва мактабдан 
ташқари таълимда инновациялар бўлиши мумкин”, - деб таъкидлайди. Инновация – бу ғоя, жараён ва восита; 
унинг натижалари педагогик тизимни янгича такомиллашуви ҳисобига таълимни сифати-самараси қўлга 
киритилади.
Маълумки, педагогик жараёнлар педагогик тизим ичида кечади. Олдиндан лойиҳалаштирилган ҳар бир 
дидактик жараён маълум принципиал имкониятларга эга бўлиб, у ўқувчида билим, кўникма, малакаларни 
сифатли шаклланишини назарда тутади. Технологияларни педагогик амалиётга қўллаш янги имкониятларга 
олиб келади ва таълимнинг натижавийлиги ва маҳсулдорлигини таъминлайди. 
Замонавий амалий педагогикани технологиялаштириш мумкин. Ҳар қандай технология аввал тажриба-
синовдан ўтади ва фақат юқори кўрсаткич берганлари истеъмолга киритилади. 
Демак, биз, авваламбор, таълим ва тарбияда зарурий даражадаги натижани олиш учун педагогик 
тизимни такомиллаштириш, унинг функциясини ижобий томонга йўналтиришимиз, интенсив педагогик 
жараённи вужудга келтиришимиз зарур. Бошқача айтганда, таълим-тарбияда сифат ва самарага эришиш 
мавжуд ўқитиш тизимини такомиллаштириб боришни тақозо этади. 
Инновацияларни амалиётга татбиқ қилишда қуйидаги педагогик муаммоларни ижобий ҳал қилиш 
керак бўлади: ўқув-тарбиявий фаолиятнинг мотивациясини таъминлаш; дарсда ўқув материаллари мазмуни, 
ҳажмини оптималлаш; ўқув жараёнини самарадорлигига эришиш; таълим жараёнида вақтдан унумли 
фойдаланиш; ўқувчининг фаоллиги ва масъулиятини ошириш. 
Иннновацияларни босқичма-босқич, унинг самарадорлигига ишонч ҳосил қилган ҳолда педагогик 
жараёнга киритиш зарур. Илмий адабиётларда инновацияларни педагогик жараёнга киритиш қуйидаги тўрт 
босқичда амалга оширилиши эътироф этилади: муаммонинг кўпгина ечимини таҳлил асосида аниқлаш; 
мўлжалланаётган таълим мазмуни, янгиликни лойиҳалаш; ўзгариш ва янгиликларни режалаштириш; 
ўзгаришларни амалга ошириш.