Abdulla qodiriy nomidagi jizzax davlat pedagogika instituti tabiiy fanlar fakulteti

Ilmiy manbalarda taklif qilingan “destinatsiya” tushunchasining ta’riflari

Muallif		Ta’riflar
Xorijiy ilmiy manbalarda
V.Altxof		Aniq belgilangan joy yoki maqsadli hudud. Destinatsiya sifatida, masalan shahar tashqarisidagi sayr uchun joylar, bo’sh vaqtni o’tkazish uchun inshootlar, kommunalar, mintaqalar, federal yerlar, Germaniya, Yevroittifoq kabilar bo’lishi mumkin.
K.Kasper		“Turistik taklifni kristallashtiruvchi” joy
Leyper		Turistlar uchun jozibador geografik hudud
P.Pirs		Turistlarda har xil taassurot, tajriba va his-hayajon qoldiruvchi tashrif joyi
Rossiya ilmiy manbalarida
M.A.Morozov	Turist ehtiyojlariga javob beradigan va uning tashish, ovqatlanish, ko’ngil ochar mashg’ulotlar va shu kabilarga talablarini qondiruvchi, ma’lum xizmatlar to’plamini taklif qiluvchi hudud. Bunda muallif avvalo sayohatning bosh maqsadini birlamchi destinatsiya va birlamchi destinatsiyaga borish yo’lidagi to’xtashlarni ikkilamchi destinatsiyalar sifatida alohida ajratadi
T.A.Sebekina	Haqiqiy yoki mavhum chegaralarga (jismoniy, siyosiy, geografik, bozor) ega bo’lgan joy: turistlar ma’lum maqsadda kelib ketadigan mamlakat, viloyat, orol va boshqalar
A.Yu.Ryabuxa	Turistik imkoniyatlarga ega bo’lgan, xizmat ishlab chiqaruvchilar sotadigan va turist o’z tashrifi uchun tanlaydigan hudud yoki inshootlar destinatsiya bo’lishi mumkin
S.S.Nikolaev	Turistik destinatsiya deganda ma’lum bir ijtimoiy-geografik, aniq bir sayyoh yoki turistik talabning butun segmenti safar maqsadi sifatida tanlangan manzil (joy, mintaqa, shahar, qishloq, attraksionlar bog’i) tushuniladi. U hamma kerakli muassasalar, tashkilotlar, joylashtirish, xizmat ko’rsatish vositalari va sayr-tomosha infratuzilmalariga ega

Manba: muallif tomonidan tuzildi.

1.1-jadvalda keltirilgan ta’riflardan ko’rinib turibdiki, “turistik destinatsiya” tushunchasi har xil mualliflar tomonidan turlicha izohlangan. Natijada aniq tushunib yetishga to’sqinlik qiluvchi xira va mavhum manzara yuzaga keladi. Bizningcha, mualliflar tomonidan ilmiy manbalarda taklif qilingan “destinatsiya” tushunchasining ta’riflarini muhim jihatlariga ko’ra to’rtta guruhga ajratsa maqsadga muvofiq bo’ladi: hududiy, iqtisodiy, ijtimoiy, boshqaruv.