Abdulla qodiriy nomidagi jizzax davlat pedagogika instituti tabiiy fanlar fakulteti

Turoperator – bu turistik marshrutlarni va turlar komplektatsiyasini ishlab chiqish bilan shug’ullanuvchi turistik tashkilotlar bo’lib, ularni amal qilishini ta’minlaydi, reklamani tashkil etadi amaldagi me’yorlarga mosligini hisoblaydi, hamda belgilangan tartibda mazkur marshrutlar bo’yicha narxlarni tasdiqlaydi, o’z litsenziyalari orqali va realizatsiya qilish uchun turagentlarga turlarni ulgurji ravishda sotadi.
Turagent - turoperator tomonidan ishlab chiqilgan turistik marshrutlar bo’yicha turlarni xarid qiluvchi xo’jalik sub’ekti yoki shaxsiy tadbirkor bo’lib hisoblanib ular bo’yicha putyovkalar ishlab chiqardi va bu putyovkalarni bevosita turistlarga chakana ravishda realizatsiya qiladi.
Turist - doimiy yashash joyini o’zgartirish va ish axtarib topishdan tashqari, doimiy yashash joyidan istalgan maqsadlarda 24 soatdan kam bo’lmagan muddatga (24 soatdan kam bo’lsa sayohatchi hisoblanadi) sayohat qiluvchi shaxsdir. (mazkur ta’rif 1954 yilda BMT konferentsiyasida tasdiqlangan)
Turistik bozor turistik mahsulotning realizatsiya qilish shartlari, talab va taklifning mutonosiblik darajasi hajmi bilan xarkterlanadi.
Turistik bozor xajmi – bu turistik mahsulotni u yoki bu miqdordagi “to’yintirish” qobiliyatdir, ya’ni amaldagi narx va takliflarda turistik – suvenir maqsadlari uchun tovarlar, turizm xizmatlari, alohida turlarni realizatsiya qilishining mumkin bo’lgan hajmi. Uning hajmi aholi talabi to’lov qobiliyatining hajmiga, narx darajasiga va turistik taklif birligiga bog’liq bo’ladi.
Turistik bozorda turist taqdim etadigan turistik mahsulotga talab bilan turistik firma taqdim etadigan taklif to’qnashadi.
Turistik bozorning amal qilish mexanizmi - bu pul oqimlarini turistik mahsulotga, pulni turistik mahsulotga ayirboshlashda, turistik mahsulotga talab va taklif balansini tenglashtirish uchun iqtisodiy richaglar faoliyatining tizimidir.
Turistik bozorning amal qilinishi 1 chizmada ko’rsatilgani kabi tasavvur qilish mumkin, ya’ni u turizm xizmatlariga talab turistlar xoxish istaklari bilan asoslangan. Turistik bozorda turistik aylanma harakat hosil qilib, bir-biri tomon harkatlanadigan pul oqimi va turistik – mahsulotni uzluksiz harakati yuz beradi.