7-ma’ruza: maktabgacha ta`lim muassasalarida jismoniy tarbiya bo`yicha ishni rejalashtirish. Maqsad

JISMONIY MASHQLARNI YOZISH TARTIBI

Jismoniy tarbiya mashg’ulotlariga, ertalabki gimnastikaga tayyorlanishda tarbiyachi reja-konspektlarga jismoniy mashqlarning nomlarini yozadi. Masalan: bir qatorga saflanish; kolonkaga bittadan saflanish; oyoq uchida yurish va boshqalar.

Umumrivojlantiruvchi mashqlarni yozishda uning nomi, dastlabki holat (tana, oyoq, qo`llar uchun) harakatlarning nomlari, uning yo`nalishi va oxirgi holati ko`rsatilishi kerak.

Dastlabki holat qisqartgan holda yoziladi – d. h; belgilanadi.

Ba’zi iboralar qisqacha ifodalanadi: asosiy tik turish – a.t.t; o`ng qo`l (oyoq) – o`ng.qo`l (oyoq); chap qo`l (oyoq) – chap.qo`l (oyoq).

Bir vaqtning o`zida bajariladigan bir qancha harakatlarni yozishda, avvalo asosiy harakat (gavda, oyoqlar), so`ngra boshqalari (o`ng qo`lni bukib, chapga egilish, qo`llar yuqorida) ko`rsatiladi. Agar biror harakat boshkasi bilan boshdan oxirigacha qo`shib bajarilmasada, ammo yaxlit bajarilgan bo`lsa, elementlarini biri ketidan ikkinchisini «va» bog’lovchisi (engashib, qo’llarni yonga va boshni o`ngga burish) bilan qo`shib yozish kerak.

Harakat odatdan tashqari uslub (keskin, muddatli, bo`shashtirib, yumshoq, tekis va hokazo) da bajarilganda, u yozuvda (qo`llar sekin va tomonga, barmoqlar bo`shashtirilgan) aks ettirilishi lozim.

Tarbiyachi jismoniy tarbiya mashg’ulotlari, ertalabki gimnastika va jismoniy tarbiya bo`yicha ishlarning boshqa shakllari bo`yicha qaysi yosh gruhi uchun reja-konspektini tuzishdan qat’i nazar yozish qoidasini bajarishi lozim.

Maktabgacha tarbiya muassasalarida dastlabki, kundalik va yakuniy hisobot amalga oshiriladi.