1-мавзу ҳУҚУҚшунос мутахассис шаклланишида замонавий иш кўникмалари ва компетенцияларнинг роли

Совуққон бош.Мураккаб, масъулиятли қарор қабул қилиш заруратининг ўзи стресс, муддати шошилинч бўлса-чи, унда икки баробар. Босим ёки қўрқув остида қабул қилинган қарор объектив бўлмайди. Ахир исталган натижа – бу босим ва стрессдан қутулишдир. Ҳиссиётларга берилмаслик учун, биринчи навбатда, қарор қабул қилишнинг вақти ёки шошилинчлигига эътибор қаратиш лозим бўлади. Муддатнинг узайтирилиши ортиқча зўриқишдан халос этади ва тафаккуримизнинг бироз тинчланишига ёрдам беради. Шошилинчлигини писанд қилмаслик ва ҳиссиётга берилиш икки хил ҳолатда бўлиши мумкин:

1. 
   Ҳаёт-мамот масаласи турганда, бутун умр ўзини ҳеч нарса қилмаганликда айблагандан кўра, бирон бир ҳаракат қилиш керак. Масалан, фалокат юз берди, сиз ягона ёрдамга кела оладиган одамсиз, тезда ҳаракат қилишингизга тўғри келади.
   
2. 
   Қарор қабул қилиш масаласи турмаганда, яъни сизга анчадан бери орзу қилганингизни, ҳатто бўлишини хаёлингизга келтирмаганни таклиф қилишади. Тўсатдан мартабангизнинг кўтарилиши, сизнинг стартапингизга йирик инвестиция киритилиши, орзунгиздаги йигит қўлингизни сўраши.
   

Қолган ҳамма ҳолатларда сиздан ҳозирнинг ўзида ёки жуда қисқа вақтда қарор қабул қилиш талаб қилинганда, муддатнинг узайтирилишига ҳаракат қилинг. Мулоҳазали қарор қабул қилиш учун қанча вақт керак бўлса, худди шунча вақтни сўранг, кам ҳам эмас, кўп ҳам эмас. Ва, албатта, шу тариқа ортиқча қувонч ва ёки ҳайратдан холи бўламиз, чунки ортиқча ҳиссиёт сизнинг сезгирлигингизга халал бериб, сув ости тошларини, ҳатто юзага чиқиб турганларини ҳам кўздан қочириши мумкин.
Оралиқ жойларни тўлдирамиз.Шошилишга ҳожат йўқми, маълумот йиғишга ўтамиз. Агар сизга ечим номаълум бўлса, демак, нимани афзал кўришингизни аниқ билмайсиз. Кўп ҳолларда бу кутилаётган натижани олдиндан айтиш учун маълумотлар етарли эмаслигини билдириши мумкин. Ёки сиздаги мавжуд фактлар билан хоҳланган натижага эришиб бўлмаслигини тушуниш мумкин. Масалан, сиз бошқа мамлакатга ишингизни ўтказишни хоҳлайсиз, лекин сизнинг ихтисослигингизга у ерда талаб бор ёки йўқлигига, маош даражасига ёки хоҳлаганда орқага қайтиш мумкинлигига иккиланяпсиз. Маълумотлар тўплашга берилиб кетмаслик керак. Баъзан ортиқча маълумот қарор қабул қилишга ҳалақит беради. Қанча кўп янги маълумот олсак, танлаш шунча қийин бўлади, чунки ҳар бир факт тенгламадаги ўзгарувчан қийматга ўхшайди ва натижага таъсир қилиши мумкин.