1-мавзу ҳУҚУҚшунос мутахассис шаклланишида замонавий иш кўникмалари ва компетенцияларнинг роли

R – (relevant or realistic – “ҳаётий”)
Олдинга қўйилган мақсад ҳаётга яқин бўлиши, фантастик ёки ақл бовар қилмас орзулар ўзгартирилиб, реал ҳаётга яқинлаштирилиши лозим.
T – (timely – “вақт билан ўлчанадиган”)	Олдинга қўйилган мақсад аниқ вақт бирлиги билан ўлчаниши ҳамда маълум вақт ичида тегишли натижалар билан асосий мақсадга эришиш йўлидан бориш керак. (Кичик мақсадларга эришиш орқали асосий мақсад томон бориш)

Юқоридаги жадвалда кўриниб турганидек, мақсадни шакллантиришда “SMART” технологияси ўзининг аниқлик мезони билан режалаштириш стратегиясини шакллантиради.
Бошқа касб эгалари сингари бўлажак юристлар ҳам ўзининг эртанги иш фаолияти ёхуд ҳуқуқшунослик соҳасида илмий изланишлар олиб бориш хусусида ўйлар экан, ўз олдига айни шу технология талабларидан келиб чиқадиган мақсад ва вазифалар қўйиши ўринлидир. Айниқса, талабалар бу технологиянинг сўнгги талаби – кичик мақсадларга эришиш орқали асосий мақсад томон бориш тамойилига алоҳида эътибор қаратишлари лозим. Жумладан, дастлабки курсдан бошлаб ўзлаштирилиши лозим бўлган ёхуд ўзингиз танлаган модуллар доирасидаги назарий ва амалий билимларни пухта ўзлаштириш, олий ўқув юрти ва республика миқёсида, агар имкониятингиз бўлса, халқаро даражада ташкил этиладиган илмий, илмий-амалий конференцияларда фаол қатнашиш, чет тиллардан хорижий мамлакатларнинг нуфузли университетлари ўқув грантларини қўлга киритишга имкон берадиган балларга эришиш ана шу – катта мақсадларга олиб борувчи йўлнинг муҳим омилларидир.
Бундан ташқари, шахсий ривожланиш жараёнида ахлоқийлик ва оқилоналик мезонларини ҳам ишлаб чиқиш талаб этилади. Шунинг учун ҳам бу борада “SMART” технологияси “ER” мезонлари билан бойитилади.


3. Мақсадни шакллантиришда “SMARTER” технологияси талаблари.

Мазкур мезонлар ҳам ҳуқуқшунос-мутахассислар фаолиятида ғоят муҳим роль ўйнайди десак, айни ҳақиқатни айтган бўламиз. Зеро, жамият ҳаётида қонунийликни, адолат ва инсоний турмуш нормаларини ҳимоя қилиш – фаолиятининг бош мақсади деб белгиланган ҳуқуқшуноснинг ўз олдига қўядиган каттадан-кичик барча мақсадлари одоб-ахлоқ меъёрларига мос бўлиши, бу мақсад-муддаоларга оқилона тартиб берилиши, барча ишларида виждон амридан чиқмаслиги талаб қилинади.