1-мавзу ҳУҚУҚшунос мутахассис шаклланишида замонавий иш кўникмалари ва компетенцияларнинг роли

Инсон аслида нимани исташини аниқ белгилаб олиши лозим!
Баъзанмақсаднинг аввалдан тўғри шакллантирилмагани туфайли уларга эришишнинг имкони мавжуд эмасдек туюлади. Бунинг учун инсон ўзи нима истаётганини аниқ билиши, уни батафсил тасаввур этиши зарур.
Мақсадларни тўғри қўйиш ва уларга эришиш бахтли ҳаёт гаровидир. Бироқ ҳар доим ҳам интилаётган нарсаларимизни тўғри ифодалай олмаслик ҳам кузатилади. Бу эса орзуларнинг орзулигича қолиб кетиши, ҳаётда етарлича муваффақиятга эриша олмасликни келтириб чиқаради.


2. Юрист карьерасини режалаштиришда “SMART” технологиясининг қўлланилиши.


Аввало, мақсадни тўғри шакллантириш зарур!
Мақсадларни худди ғоялар каби қоғозга (ён дафтар, кундалик) ёзиб қўйиш керак. Батафсил ёзиб чиқилган мақсаднинг амалга ошиш эҳтимоли юқоридир. Агар мақсадларингизни қоғозга ёзмасдан ҳам хотирангизда сақлашга ишонсангиз, уларга эришишга ҳам катта умид қилманг. Уларни орзулар сафига киритиб қўйишингиз мумкин.
Шунинг учун ҳам бир неча Ғарб олимлари томонидан мақсадни тўғри қўйиш техникаси ишлаб чиқилган бўлиб, у мақсадни шакллантириш бўйича “SMART” технологияси деб номланади.

Мақсадни шакллантиришда “SMART” технологиясининг қўлланилиши
S – (specific – “аниқ”)	Олдинга қўйилган мақсад аниқ бўлиши (инсон сезги аъзолари ёрдамида ҳис қилиши) керак.
M – (measurable – “ўлчовга эгалик”)	Олдинга қўйилган мақсад маълум ўлчовга эга бўлиши, унинг ўлчов-мезони аниқ бўлиши лозим.
A – (attainable – “эришса бўладиган”)	Олдинга қўйилган мақсад инсоннинг имкониятларидан келиб чиққан ҳолда ишлаб чиқилиши лозим. Унга эришиш учун, аввало, инсон ўзининг устун жиҳатларини англаб етиши шарт.