Investitsiyalar makrodarajada quyidagilarni taʼminlaydi:
- takror ishlab chiqarishni kengaytirish siyosatini amalga oshirish;
- ilmiy-texnika taraqqiyotini jadallashtirish, milliy mahsulotlarning raqobatbardoshligini taʼminlash, uning sifati va hajminini oshirish;
- ijtimoiy sohalarni (sogʼliqni saqlash, taʼlim va boshq.) rivojlantirish;
- aholi farovonligini taʼminlashda muhim boʼlgan uy-joy qurilishi, ichimlik suvi, gaz, elektr energiya bilan taʼminlash muammolarini hal etish;
- atrof-muhit va ekologiyaning ifloslanishining oldini olish;
- umumjamiyat ishlab chiqarishini tarkibiy jihatdan qayta qurish va barcha iqtisodiyot tarmoqlarini bir maromda rivojlantirish;
- iqtisodiyotning real sektori va yetakchi tarmoqlarini rivojlantirish;
- hududlarning iqtisodiy salohiyatini oshirish va ixtisoslashuvini mustahkamlash.
Investitsiyalar makrodarajada quyidagilarni taʼminlaydi
- investitsiyalar importi va eksporti orqali milliy iqtisodiyotning xalqaro integratsiyasini kuchaytirish;
- sanoat uchun zarur xom ashyo bazasini yaratish;
- ishsizlik muammosini yumshatish yoki maʼlum darajada hal etish;
- mamlakatning harbiy sanoat majmuini mustahkamlash;
- davlatning mudofaa imkoniyatlarini taʼminlash;
- boshqa qator muammolarni hal etish.
Investitsiyalar mikrodarajada quyidagilarni taʼminlaydi:
- korxona ishlab chiqarish faoliyatini kengaytirish va rivojlantirish;
- asosiy fondlarning haddan tashqari jismoniy va maʼnaviy eskirishiga yoʼl qoʼymaslik;
- ishlab chiqarishning texnik-texnologik darajasini oshirish;
- korxona mahsuloti raqobatbardoshligini taʼminlash va uning sifatini oshirish;
- tabiatni muhofaza qilish tadbirlarini amalga oshirish;
- qimmatli qogʼozlar sotib olish va boshqa korxona aktivlariga oʼz mablagʼini sarflash.
Respublika iqtisodiyotini rivojlantirishda investitsiyalarning ahamiyati quyidagilarda namoyon boʼladi:
- birinchidan, ishlab chiqarishga zamonaviy texnika va texnologiyalarni joriy etib, eksportga moʼljallangan mahsulotlarni ishlab chiqarishni rivojlantiradi;
- ikkinchidan, import oʼrnini bosuvchi tovar ishlab chiqarishni yoʼlga qoʼyish va buning uchun xorijiy investitsiyalarni iqtisodiyotning ustuvor sohalariga yoʼnaltirish va pirovardida, aholining meʼyordagi turmush darajasini taʼminlash (farovonligini oshirish) imkonini yaratadi;
- uchinchidan, kichik biznes va xususiy tadbirkorlikni rivojlantirish va qishloq xoʼjaligi ishlab chiqarishini jadalashtirish orqali oʼsib borayotgan aholini ish joylari bilan taʼminlaydi;
- toʼrtinchidan, korxonalarning eskirgan ishlab chiqarish quvvatlarini, moddiy-texnik bazasini yangilaydi va texnik qayta qurollantiradi;
- beshinchidan, tabiiy resurslarni qayta ishlovchi korxonalarni barpo etishga koʼmaklashadi va h.k.
Do'stlaringiz bilan baham: |