Ҳ. А. АрFинбоев, Ҳ. У. Абдуллаев, А. М

3.3-расм. Қуёш баландлиги турлича бўлганда қуёш нурларининг
атмосферада ўтган йўллари

Қуёш зенитда (тепамизга тик) бўлганда қуёш нури атмосферада энг қисқа а₁О йўлни, қуёш уфқда бўлганда эса энг узун а₅О йўлни ўтади.

Қуёш зенитда бўлганда ер юзидан бошлаб атмосферанинг юқори чегарасигача олинган асоси 1 см² ҳаво устунининг массасини шартли равишда бир бирликка тенг (m=1) деб олайлик.
Қуёш осмон гумбази бўйлаб ҳаракатланиб уфққа яқинлашгани сари нурларнинг атмосферада ўтадиган йўллари кўпайиб боради. Демак, нурларнинг ўтадиган массалар сони ҳам борган сари ортди.
Ҳисобларнинг кўрсатишича қуёш уфқда бўлганида нурларнинг ўтган атмосфера массалари сони, қуёш зенитда бўлганидаги нурларнинг ўтган атмосфера массалари сонидан 34,4 марта катта бўлади. Қуёш уфққа яқинлашган сари нурларнинг йўлида ютувчи ва сочувчи зарралар кўп учрайди, яъни атмосфера тиниқлиги борган сари камаяди. Натижада ер юзига етиб келувчи қуёш радиацияси шунчалик кўп кучсизланади ва ер юзига тушувчи радиациянинг энергетик ёритилганлиги S m , атмосферанинг юқори чегарасидаги қиймати (S_о) дан анча камайган бўлади.
Қуйидаги 3.1-жадвалда Қуёшнинг уфқдан баландлиги турлича бўлганда, қуёш радиациясининг атмосферада ўтадиган массалар сони кўрсатилган.
Қуёшнинг уфқдан баландлиги турлича бўлганда қуёш
радиациясининг атмосферада ўтадиган массалар сони


3.1-жадвал

Қуёш баландлиги hо	90	60	30	15	5	3	1	0
Атмосфера массаси, m	1,00	1,15	2,00	3,82	10,40	15,36	25,96	34,40

Юқоридаги 3.1-жадвалдан яна Қуёшнинг уфқдан баландлиги камайган сари, нурларнинг ютилиши ва сочилишининг кучайиши сабабли қуёш радиациясининг кучсизланиши бир хил бормаслигини кўриш мумкин. Бундан ташқари қуёш баландлиги катта бўлганда нурлар ўтган массаларининг фарқи кам бўлади. Масалан, қуёш баландлиги 90 дан 60 га пасайганда m нинг қиймати 2 мартагина ошади, қуёшнинг кичик баландликларида эса m нинг ўзгариши катта. Масалан, қуёш баландлиги 30 дан 0 гача камайганида m нинг қий-мати 17 марта ортади.
Энди тўғри радиациянинг атмосферадан ўтишида кучсизланишини миқдор жиҳатдан тавсифлашга ўтамиз.
Атмосферанинг юқориги чегарасидаги тўғри қуёш радиациясининг энергетик ёритилганлигини S_о, атмосферада m массалар сонини ўтиб ер юзидаги қуёш нурларига тик юзадаги тўғри қуёш радиациясининг энергетик ёритилганлигини S_m деб олсак, улар орасидаги боғланиш қуйидаги Буге формуласи билан ифодаланади:


(3.3)