Ҳ. А. АрFинбоев, Ҳ. У. Абдуллаев, А. М

Картошка ривожланиш даври давомийлиги (n) ва самарали ҳаво ҳароратлари йиғиндиси (t_с.) (Г.Х. Холбоев маълумоти бўйича)

Станция	Нав	Фазалараро давр
		экиш-униб чиқиш		униб чиқиш-гуллаш		гуллаш-йиғиш		экиш-йиғиш
		n, кун	Тсҳҳ. С	n, кун	Тсҳҳ., С	n, кун	Тсҳҳ., С	n, кун	Тсҳҳ., С
Каттақўрғон	Лорх	20	110	39	460	35	680	94	1250
Туябўғиз	Огонек	24	140	38	500	26	460	87	1110
Бухоро	Вольтман	36	150	39	505	35	660	109	1300

Демак, юқорида келтирилган агрометеорологик кўрсаткичлар (14.3-жадвал) дан метеорологик станцияларнинг маълумотига таянган ҳолда картошканинг фазалараро давр давомийлигини ва умуман кўчат экишдан то ҳосил йиғиштириб олгунча ўсимликнинг ривожланишини об-ҳаво ва иқлим нуқтаи назаридан баҳолашда фойдаланилади.
14.6. Карам - крестгулдошлар оиласига мансуб бир йиллик ва икки йиллик сабзавот ўсимлигидир. Унинг йирик оқ бошлиси катта хўжалик аҳамиятга эга бўлиб тупроқнинг юқори унумдорлиги ва намлигини талаб қилади. Аввал карам кўчати иссиқхоналарда етиштирилади, сўнг далага кўчат ҳолида ўтқазилади. Унинг ҳамма турлари –2...-5С совуққа чидайди ва намроқ шароитда яхши ўсади. Оқ бошли карам ҳар гектардан 30-40 ц. дан ва гулкарам эса 8-15 ц дан ҳосил беради.
Кўчат қилиб экилган карамга мақбул ҳарорат 12-24С ҳисоблана-ди. Уруғнинг униб чиқишида манфий ҳарорат -3С бўлса нобуд бўли-ши мумкин. Кўчатлар очиқ далага экилгандан сўнг баҳорда манфий –3, -7С гача чидайди. Карамнинг гуллаши иккинчи йили 20-25С бўлса нормал ҳисобланади. Ҳарорат 8С дан кам бўлса карам бошининг шаклланиши суст бўлади.
Гулкарам кўчатининг мақбул ривожланиши учун кундуз кунлари ҳарорат 15-18С, кечаси 10-12С ҳисобланади. Умуман олганда карам тупроқ намлигини хуш кўради. Ҳароратнинг 25С дан ошиб кетиши бир йиллик ва икки йиллик карам ҳосилини камайиб кетишига олиб келади. Шу сабабли бизнинг шароитимизда ҳароратни пасайтириш мақсадида ҳосил шаклланиш даврида суғориш ишлари олиб борилади.