Ҳ. А. АрFинбоев, Ҳ. У. Абдуллаев, А. М

11.2-жадвал.
Ҳавонинг соат 13 даги нисбий намлиги f га боғлиқ
равишда С коэффициентнинг қийматлари.

f	С	f	С	f	С
100	5,0	70	2,0	40	0,9
95	4,5	65	1,8	35	0,8
90	4,0	60	1,5	30	0,7
85	3,5	55	1,3	25	0,5
80	3,0	50	1,2	20	0,4
75	2,5	45	1	15	0,3

Қора совуқ бўлиши башоратига булутлик бўйича тузатмани соат 21 да киритилади. Агар осмон очиқ бўлса, (11.1) формула бўйича ҳисобланган минимал ҳароратни яна 2С га камайтирилади (А  -2). Булутлик 4-7 балл бўлса тузатма киритилмайди (А  0). Агар ҳаво булут билан бутунлай қопланган бўлса ҳисобланган минимал ҳароратни 2С га ошириш керак (А  2).

Юқоридаги мулоҳазаларни тушуниш учун ушбу мисолни келтирайлик. Ўлчашларда t  7С, t¹  3,6С, f  52% ва соат 21 да осмонда булут йўқ бўлсин. Катталикларнинг бу қийматларини (11.1) формулага қўйиб ҳисоблаймиз:


t_min,ҳ  3,6-(7,0- 3,6)1,2-0,5С.

Олинган натижани 2С га камайтирамиз, у ҳолда t_min,ҳ  -2,5С келиб чиқади. Тупроқ юзасидаги минимал ҳарорат эса t_min,T  -4,6С, соат 21 да аниқлик киритиш билан t_min,T  -6,6С. Демак ҳавода ва тупроқда қора совуқ кутилади.

Қора совуқларни башорат қилишнинг Михалевский усулида ҳаво ҳарорати ва нисбий намлиги, шунингдек булутликларнигина эътиборга олинган. Аммо қора совуқларнинг бошланишида бирмунча аҳамиятга эга бўлган шамолнинг таъсирини эътиборга олинмаган.
Ҳозирги вақтда қора совуқларнинг ҳосил бўлиши физик сабабларини анча тўлиқ ҳисобга олиш асосида чиқарилган формулалар (масалан, М.Е. Берлянд формуласи) ҳам мавжуд.
Улар анча аниқ натижа беради, аммо бу формулалар билан ҳисоблар анча мураккаб ва жуда кўп хил бошланғич маълумотларни талаб қилади. Шунинг учун уларни кўпинча илмий-тадқиқот ишларида қўлланилади. Турли жамоа хўжаликларининг мутахассислари Михалевский формуласи бўйича қора совуқни башорат қилишда ҳаво ҳарорати ва нисбий намлиги ҳақидаги маълумотларни аспирацион психрометр ёрдамида топиши ҳам етарли.
Жамоа хўжалиги агрономи ўзи ишлаётган хўжалик учун Михалевский формуласидаги С коэффициент учун аниқлик киритиши керак. Сўнгра қора совуқ кутилиши аниқ бўлса, жамоа хўжалиги далаларида экинларни қора совуқлардан ҳимоя қилиш чора-тадбирларини амалга оширишга киришилади.