Холдор Чиниқулов, Анвар Жўлиев

159-расм. Пассив континент чет 
элементлари. 

---

310 
бўлади. Бундай катта қалинлик лойқа оқимлар (турбид) ѐрдамида 
жуда катта ҳажмдаги материалларнинг келтирилиши билан боғлиқ. 
Тинчокеани 
туридаги 
фаол 
континентал 
четлар
атлантика 
туридагиларга 
қараганда 
рельефининг 
кескин парчаланганлиги ва 
юқори тектоник фаоллиги 
билан фарқланади. Улар 
денгиз 
котловиналари 
(Охота, Япония ва б.), 
ороллар 
ѐйи 
(Курил, 
Япония ва б.) ва чуқурсув 
новлари 
орқали 
океан 
ложаси билан туташади. 
Денгиз котловиналари
овал ѐки изометрик шаклдаги 
ботиқликлардан иборат бўлади. Уларнинг чуқурлиги 3-5 км га 
боради. 
Ороллар ѐйи
– бу ўзининг чўққилари билан денгиз сатҳидан 
чиқиб турадиган сувости тоғларидир. Улар Тинч океанида кенг 
тарқалган. Командор-Алеут, Курил, Япон, Мариана ва бошқалар 
шулар жумласидандир. Ҳинд океанида Зонд ороллар ѐйи, Атлан-
тика океанида эса Антил ва Жанубий Антил ороллар ѐйи мавжуд. 
Океан томондан ороллар ѐйи чуқурсув новлари билан чегараланган 
бўлади ва улардан кейин Дунѐ океани ложаси бошланади. 
Чуқурсув новлари
оролли ѐйлар билан чамбарчас боғлик, улар 
билан туташган, бу ѐйларнинг ташқи ѐнбағирлари бўйлаб чўзилган. 
Булар тор, баъзан деярли даралардек, кенглиги 100-120 км, чуқур, 
катта масофаларга чўзилган ботиқликлардир.
Деярли барча чуқурсув новлари Тинч океанининг ғарбий 
қисмида жойлашган. Жанубий Америкада фақат битта - Перу-Чили 
чуқурсув нови мавжуд. 
Дунѐ океани ложаси
. Дунѐ океани ложаси 3-4 дан 6 км гача 
бўлган чуқурликда жойлашган бўлиб, океанларнинг 50 % дан ортиқ 
майдонини эгаллайди. Унинг рельефида абиссал (юнонча «абисос» 
- тубсиз) текисликлар ҳамда абиссал сувости тепаликлари ва 
тоғлари ажратилади.