Хитойнинг иқтисодий ислоҳатлари ва камбағалликни қисқартириш бўйича амалга оширилган ишлари тўғрисида маълумот

Хитойнинг иқтисодий ислоҳатлари ва камбағалликни қисқартириш бўйича амалга оширилган ишлари тўғрисида
МАЪЛУМОТ
Сўнгги йилларда ХХР иқтисодиётининг барча жабҳаларида барқарор юксалиш кузатилмоқда, шунингдек, унинг барча муҳим глобал ва минтақавий жараёнлардаги роли кучаймоқда, бугун бу юртда эришилаётган ютуқлар бутун дунёнинг диққат марказида.
Хитойда тадбиркорликни ривожлантириш.
Хитой иқтисодиётини ислоҳ қилиш бошланишидан олдин хусусий сектор ниҳоятда бостирилган эди.
Иқтисодиётни ривожлантиришда тадбиркорлик аҳамиятсиз ўрин эгаллади.
1978-1992 йиллар замонавий Хитой тадбиркорларининг биринчи авлоди шаҳар ва қишлоқ корхоналарининг (ШК) пайдо бўлиши ва гуллаб-яшнаши натижасида пайдо бўлди. Ҳукумат ишсизларни таъминлаш, хизмат кўрсатиш ва ҳунармандчилик тармоқларида якка тартибдаги тадбиркорлик билан шуғулланишга рағбатлантирди. 1988 йилда хусусий корхоналарнинг ҳуқуқий мақоми конституциявий тузатиш билан расмийлаштирилди.
Давлат кенгаши “Хусусий корхоналар тўғрисидаги вақтинчалик “Низом” ҳужжатини чиқарди, бу эса хусусий корхоналар фаолияти учун ҳуқуқий асос бўлди. 1992-2000 йиллар тадбиркорлик ва хусусий секторни ривожлантиришни қўллаб-қувватлаш сиёсати давом эттирилди. 1999 йилги конституциявий тузатишда йиллар давомида нодавлат корхоналар сотсиалистик бозор иқтисодиётининг муҳим қисми эканлиги эътироф этилди.
Ҳозирда Хитой ҳукумати солиқ ислоҳотлари орқали тадбиркорликни қўллаб-қувватламоқда. 2018 йилда қўшилган қиймат солиғи (ҚҚС) ставкаси пасайтирилди.
Ишлаб чиқариш тармоқлари корхоналари учун 17 фоиздан 16 фоизга, бошқа тармоқлар-қурилиш, транспорт, қишлоқ хўжалиги ва телекоммуникация тармоқларида эса 11 фоиздан 10 фоизга камайди.
Ҳозирги вақтда кичик ва ўрта корхоналар мамлакатдаги корхоналар умумий сонининг 90 фоизини, ялпи ички маҳсулотнинг 60 фоиздан ортиғини ва ишчиларнинг 80 фоизга яқинини ташкил этади.
Қашшоқликка қарши сиёсат
1978 йилдан бери Хитой қашшоқликни камайтириш бўйича чора-тадбирларни беш босқичда амалга оширмоқда.
Биринчи босқич (1978-1985 йиллар) - қишлоқ жойларда деҳқонларга мустақил равишда экин танлаш ва ўзлаштириш имконияти берилди.
Етиштирилган маҳсулотларни давлат томонидан кафолатланган нархларда ҳарид қилиш таъминланди.
Натижада қишлоқ жойларда аҳоли жон бошига реал даромадлар шу даврда 169 фоизга ошди.