Himoyaga ruxsat etildi

Molikiylar mazhabi. Molikiylar mazhablarining zohirida aytishgan: “tilla va kumushda ziyodalik haromligining illati pullikdir. Taomlarda bo‘lsa ribo nasiya va ribo fazl e’tiboiriga ko‘ra illat boshqa boshqadir”.
Ribo nasiyaning haromligidagi illat faqatgina taomlik bo‘lib, dori-darmon maqsadida istemol qilinmasligi kerak. Ozuqa yoki saqlab qo‘yishlik sifatlaridan biri ham topilishi mumkin, lekin davo uchungina bo‘lsa u taom qatoriga kirmaydi. Bunga sabzavotlar – bodring, tarvuz, limon, kartoshka, sabzi, olma va banan va shu kabi mevalarni misol qilish mumkin.
Ribo fazlning harom bo‘lish illati ikkita – ozuqa va saqlab qo‘yishlikdir. Ozuqalik ma’nosi inson undan boshqa narsa yemasa ham yashay oladi, tanasi sog‘lom bo‘ladi. Bunga barcha don mahsulotlari, xurmo, go‘sht, sut va undan tayyorlanadigan narsalar kiradi. Tuz, ziravor, sirka, piyoz, sarimsoqpiyoz va yog‘ kabi ozuqalarni isloh qilish uchun ishlatiladigan narsalarga ham ozuqa sifatida qaraladi.
Saqlab qo‘yish ma’nosini bir muddat kechiktirib berish bilan yomon bo‘lib qolmaganda ko‘ramiz. Mazhabning zohirida ma’lum bir muddat belgilanmagani uchun ba’zilar aytgan olti oy va bir yil degan so‘zlar e’tiborga olinmaydi. Balki o‘sha narsa odatda qancha turishiga qaraladi.
Mazkur narsalar ribo nasiya illati ekaniga ular quyidagi dalillarni keltiradilar:
Ribo nasiya haromligining sababi insonlar bir birini aldamasin va ularning mollarini saqlash bo‘lgani uchun illat bo‘ladigan narsalar hayotni asoslarini tashkil qilishi kerak. u asoslar ozuqalardir: bug‘doy, arpa, guruch, no‘xot,mosh, loviya, xurmo, mayiz, tuxum, va yog‘ kabilar.
Jinsning bir va boshqa bo‘lishi. Mulohaza qilinsa imom Molik rahmatullohi alayh bug‘doy va arpani bir sinf. Juhori (makkajuhori), tariq va guruch bir jins, mosh, no‘xot va loviyaga o‘xshash narsalarga bir sinf sifatida qaraydilar. Demak bug‘doy va arpa orasida ziyoda qilib bo‘lmaydi. Lekin juhori bilan bug‘doy o‘rtasida ziyodalik joiz. Go‘shtlar esa imom Molik fikrlaricha uch sinf. Chorpalar bir sinf, qushlar bir sinf, baliqlar bir sinf.