"Himoya qalqoni" treningi Mavzu: stress va nizoli vaziyatlarni oldini olish. O'quv mashg'ulotining asosiy maqsadi

9. "Qadriyatlar" metodikasi
Maqsad: ishtirokchilar orasida shukronalik hissini uyg’otish va ularga qadriyatlar tizimini shakllantirishning muhimlilik darajasini tushuntirish.
Izoh: 1-qadam. Ishtirokchilarga 6 tadan stiker(yoki kichiq oq varaqchalar) beriladi va ularning har biriga bittadan o’zining hayotdagi eng asosiy qadriyatlarini (hayotdagi eng muhim va qadrli deb hisoblaydigan narsa va omillar) yozib chiqish so’raladi. Ishtirokchilarga qadriyat degan so’zni mohiyatini tushuntirib o’tish bu yerda foydadan holi bo’lmaydi, chunki ishtirokchilarning barchasida qadriyatlar mavjud bo’lsada, ba’zilar qalbidagi muayyan his-tuyg’ularning qadriyat ekanligini anglab yetmaydilar. Odatda ularning ongida qadriyatlar “kerakli narsa, muhim narsa” tarzida namoyon bo’ladi. 2-qadam. Ishtirokchilarni yozgan qadriyatlarini muhimliligi bo’yicha 1-2- 3…6- tarzida darajalash so’raladi. 3-qadam. Qadriyatlar yozilgan varaqlar keyin shunday aralashtiriladiki, eng qadrli narsa oxiriga yozilgan bo’lib joylashtiriladi. 4-qadam. Boshlovchi ishtirokchilarga qandaydir hodisa ro’y berib, birinchi varaqda yozilgan qadriyatdan maxrum bo’lganligini his qilib ko’rishlarini takif qiladi. So’ngra boshlovchi ishtirokchilardan shu qadriyat yozilgan qog’ozni g’ijimlab uloqtirishini so’raydi. Shu tariqa har bir qadriyatdan voz kechib boriladi. Shundan so’ng ishtirokchilarga qadriyatdan ajralgan vaqtda qanday tuyg’uni his qilganini eslashni va aytishni taklif qiladi. 5-qadam. Fikrlar eshitilgandan so’ng boshlovchi mo’jiza ro’y berib barcha qadriyatlari qaytarilganini e’lon qiladi va g’ijimlangan qog’ozlarni qaytarib olishni so’raydi. So’ngra boshlovchi qadriyatlar hozir ham muhimlilik darajasini qanchalik saqlab qolganini va ularning o’rni o’zgargan yoki o’zgarmaganligi so’raydi.
Zarur: Trening davomida past ovozda sokin musiqa qo’yilib, har bir qadriyatdan voz kechish jarayonida ovoz tempi va so’zlarga alohida e’tor berish lozim.

10,Moychechak” mashg’uloti.

Maqsad: O’ziga ishonch hissini shakllantirish. Va stressdan chiqishda atrof muhitning ijobiy ta’sirini tushuntirish.
Izoh: har bir o’quvchiga A-4 formatli qog’oz tarqatiladi. Va qog’oz ichiga 7 ta yaproqli gul rasmi chiziladi. Shundan so’ng trener tomonidan 7 ta quyidagi savollar beriladi, va ana shu jumlalarga javob yozish buyuriladi.
Savollar:
1. Siz yaxshi ko’rib bajaradigan ikki narsani tasvirlang.
2. Xayotingizdagi eng katta yutuqni tasvirlang.
3. O’zingiz haqingizda eshitmoqchi bo’lgan uchta so’z.
4. Sizga ijobiy tasir ko’rsatgan uchta inson.
5. Qalbingiz maza qilib dam oladigan joyni tasvirlang.
6. Keyingi besh yilda o’zingizni qanday tasavvur etasiz?
7. Bugungi kuningizni 3 so’z bilan tasvirlang.
Ishtirokchilar har bir savolga javobni gulning har bir bargiga yozishi kerak. Shundan so’ng hohlagan ishtirokchilardan o’z yozganini o’qib berishi so’raladi.