"Himoya qalqoni" treningi Mavzu: stress va nizoli vaziyatlarni oldini olish. O'quv mashg'ulotining asosiy maqsadi

5. Enerjayzer. "Bo'ron mashqi".
Maqsad: ishtirokchilarda yaxshi kayfiyat va faollikni oshirish.
Izoh: Bu mashqda bevosita trener ham qatnashadi va mashqni boshlab beradi. Ishtirokchilar aylana bo'lib o'tirishadi. Shunda trener ishtirokchilarga qarata biror bir gap aytadi va o'rnidan turg'azadi, shundan so'ng o'rnidan turgan ishtirokchilar va trener bo'sh joyga o'tirib olishga harakat qiladi. Misol uchun bugun shim kiyganlar o'rnidan tursin deyilganda shim kiyganlar o'rnidan turadi va joylarini almashtiradi, shundan so'ng joy topolmagan ishtirokchi o'yinni davom ettirib, biror gap aytadi. O'yin shu tariqa davom etadi.
6. "Xech qachon" metodikasi.
Maqsad: shukronalik hissini oshirish va bir xil hayot tarzidan qochishga undash.
Izoh: ishtirokchilar navbatma-navbat "men hech qachon ...maganman" degan jumlani aytishlari lozim(Masalan: men hech qachon dengizda suzmaganman, men hech qachon parashutdan sakramaganman). Qolgan ishtirokchilar esa agarda aytilgan gap ular uchun noto'g'ri bo'lsa, bittadan barmog'ini bukib boradilar. Masalan ishtirokchilardan birortasi dengizda suzgan yoki parashutdan sakragan bo'lsa barmog'ini bukib boradi. Boshlovchi ishtirokchilardan aytilgan gaplar hayotiy bo'lishini va barmoqlarni adolatli bukishini oldindan ogohlantiradi. Shuningdik ishtirokchilar biror gapni aytishdan oldin jins xususiyatlarini ham inobatga olishi kerak bo'ladi. O'yin shu tariqa barcha ishtirokchilar bittadan gap aytgunicha davom etadi.O'yin tugaganidan so'ng trener ishtirokchilardan nechta barmoqlari qolganini so'raydi. Dastlab barcha barmoqlari bukilgan yoki 1 ta 2 ta barmog'i qolgan qatnashuvchlarga yuzlanadi va ular trening ishtirokchilaridan 10 yoki 9 tasining hayotida orzu bo'lgan narsaga egaligini aytadi. Ya'ni dengizda suzish kim uchundir orzu bo'lsa barmog'i bukilgan kishi bu orzuga allaqachon erishganini aytib o'tadi(shukronalik). Shundan so'ng barmoqlarining ko'pi yoki hammasi bukilmay qolgan ishtirokchilarga qarata yuzlanib, ularga bir xil hayot tarzidan qochishni va har doim ishdan uyga, uydan ishga rejimidan qutulishini aytib o'tadi.