7. Enerjayzer. "Impuls". Maqsad: ishtirokchilarda yaxshi kayfiyat va faollikni oshirish. Shuningdek jismoniy va ruhiy yaqinlikni shakllashtirish, diqqat va reaksiyani rivojlantirish .
Izoh: ishtirokchilar teng ikki guruhga bo'linadi. Ikki guruh a'zolari tugagan joyga stul qo'yiladi va ustiga biror bir predmet joylashtiriladi. Shundan so'ng barcha guruh a'zolari o'zaro qo'llarini ushlash orqali bir-biri bilan bog'lanishadi va saf hosil qilishadi. Har ikki jamoaning safi boshidagi ishtirokchilar trener bilan bo’g’lanadi va trener bir vaqtning o’zida har ikki jamoa boshidagi ishtirokchining qo’lini siqish orqali impuls jo’natadi. Shu tariqa ishtirokchilar o’zidan keyingi ishtirokchining qo’lini yengil siqish orqali qolganlarga impuls berish davom etadi va bu impuls shu tarzda qator boshidagi ishtirokchiga yetib borguncha davom etadi. Impuls yetib kelgandagina qator boshidagi ishtirokchilar guruhlar o’rtasidagi stul ustiga qo’yilgan predmetni olishi lozim. Qaysi bir jamoaning impulsi birinchi bo’lib yetib kelib uning boshidagi ishtirokchi ruchkani olishga ulgursa, o’sha ishtirokchi o’z jamoasining impuls beruvchisi vazifasiga o’tadi. O’yin qaysidir bir jamoaning birinchi impulsni boshlagan ishtirokchisiga qaytib kelgunicha davom etadi. Va o’sha jamoa g’olib sanaladi.
8. "Germaniya armiyasi" hikoyasi. Maqsad: hikoya orqali ishtirokchilarda turli xil konfliktlardan qochish va g'azablanishning salbiy oqibatlarini ko'rsatish.
Qaysidir asrda Germaniya armiyalarida askarlar o'rtasida ko'p janjallar chiqadigan bo'libdi. Askarlar tortushuvlaridan keyin boshliqlarga tushayotgan ariza va murojaatlar haddan ziyod ko'payib ketibdi, shundan so'ng armiya 2 ta qonun joriy qilibdi. Birinchisi askarlar boshliqqa ariza yoki murojaat qilishdan oldin yarim soat uxlab olmasdan kelishsa jazoga tortiladigan bo'libdi.Ikkinchisi esa yarim soat uxlab bo'lgandan so'ng o'z ariza yoki murojaatini yozma tarzda qog'ozga yozib kelishi kerakligi aytilibdi. Shundan so'ng askarlar janjallari kamayib, ariza va murojaatlar 90% ga kamayib ketibdi. Xo'sh bu natijaga qanday erishilgan. Birinchidan inson uxlab olgandan keyin ancha tinchlanadi va hovuridan tushadi. Judayam ko'p konfliktlar jaxl ustida yoki o'zini boshqara olmay qolishdan bo'ladi.Ikkinchisi inson bir sutkada o'rtacha 12.000 bilan 60.000 orasida fikr o'ylarkan.Ularning 80% negativ.Inson jahli chiqqan paytda nimalarni o'ylab, nimalarni gapirayotganini bilmas ekan.Tinchlanib ogan paytda esa qog'ozga yozish uchun yozadigan tuzukroq gap ham topolmas ekan. Shundan so'ng askarlar turli xil nizoli vaziyatlar bo'lganda o'zaro kelishib ketadigan va boshliqlarga ariza yuborishdan tiyiladigan bo'lishibdi.