Химмотология

11.4.Антифриз маркалари:
А-40 - оч сариқ рангда бўлиб, таркиби: 53-55% этиленгликоль, қолгани сув - 35°С да ишлатилади, музлаш ҳарорати -40 °С,
А-65 - тўқ сариқ рангда бўлиб, таркиби: 66% этиленгликоль, 33% сув. У совуқ шимолий районларда ишлатилади.
Бундай антифризларнинг 40, 40М, 65, 65М маркалари ишлаб чиқарилмоқца. М - молибденли натрий қўндирмалар қўшилган. Ҳозирги вақгда ишлатиладиган антифризлар, «ТОСОЛ» ларга коррозион таъсирини камайтириш мақсадида коррозияга қарши динатрий фосфат - 2.5-3.5 г/л ва декстрин (крахмал) 1 г/л шунингдек, кўпикланишга қарши қўндирмалар қўшилади. Динатрий фосфат - чўян ва пўлатни, баъзида мисли қотишмаларни сақлайди.
Декстрин - алюминий ва мисли деталларни коррозиядан сақлайди.
Декстрин антифриз таркибида тўлиқ эримайди, шунииг учун баъзида антифризлар хира булади.
Антифризлар қиммат бўлганлиги учун уларни тежаб сарфланади. Антифризга нефт маҳсулотлари тушиши натижасида кўпикланиш ҳосил бўлади. Бунинг натижасида антифриз кўпиклари олиб ташланса, сарфи кўпаяди. Антифризлар юқори температурада ҳажми сувга нисбатан тез ортади. Шунинг учун антифриз қўшилаётганда, 6-8% камроқ қўшиш керак.
Шунингдек, ТОСОЛ-40М антифризлари ишлаб чиқарилади. Бу ерда «М» - Молибденли натрий (8%) қўндирмалар қўшилганини билдиради..
ТОСОЛ-60М - бу антифризлар рух ва хромли қопламаларни коррозиядан сақлайди.
ТОСОЛ -А - антифриз таркибида. концентрланган этиленгликоль бўлиб, уни ишлатишдан олдин 1:1 нисбатда дистирланган сув аралаштирилиб, сўнгра ишлатилади. Бу антифризлар -35^ОСда музлайди.
Антифризларнинг зичлиги:
ТОСОЛ –А - 1.12-1.14 г/см³
ТОСОЛ-А-40 - 1.075-1.085 г/см³
ТОСОЛ-А-65 - 1.085-1.095 г/см³
Афзалликлари: қотиш температураси паст, қайнаш температураси юқори, қовушқоқлиги яхши, ёнмайди, иссиқлик сиғими ва ўтказувчанлиги юқори, музлаганда хажми катталашмайди, шунинг учун совитиш системасини ишдан чиқармайди.
Этиленгликолнииг сувдаги эритмалари металларни коррозилламайди. Бунинг олдини олиш учун антифризларга 0.4% махсус қўндирмалар қўшилади.
Камчилиги: заҳарли, металларни коррозияловчи хоссага эга, қалай ва алюминийга нисбатан коррозияга фаолдир.