Химмотология

8.5.Мойларни тозалаш жараёнида сайловчи эритувчиларидан фойдаланиш.
Сайловчи ёки селектив эритувчилар суюқ модда бўлиб маълум ҳароратда аралашмадан фақат маълум компонентларни (бошқаларини эритмасдан ва уларда ўзи эримасдан) ажратиб беради. Баъзан эритувчилар углеводородларни яхши эритадилар ва кераксиз компонент чўкмага тушади, енгил ажратиб олинади. Деасфальтлаш ва депарфинлаш ана шунга асосланган.
Бошқа жараёнларда, буни тескариси бўлиб, эритувчилар кераксиз компонентларни эритади ва қимматбахо компонентларни деярли эритмайди. Бу жараёнларда фенол ва фурфурол селектив тозалашда ишлатилади. Тозаланган маҳсулот ва кераксиз компонентлар ҳар бир жараёнда ўз номига эга.
Масалан: Деасфальтлашда тозаланган мой фракцияси деасфальтизат дейилади, смола-асфальтенларни концентрацияси асфальт дейилади. Депарафинлашда олинган мой рафинат, қаттиқ углеводородларни концентрати – гач ёки петролатум дейилади. Фенол ва фурфурол билан тозаланганда мой - рафинат ва смолали, асфальтенли полициклик ароматик углеводород концентрати – экстракт дейилади.


8.6. Пластик сурков мойларининг синфланиши ва ишлатилиши
Пластик сурков мойлари турли мамлакатларда турлича классификацияланади. Масалан: Россияда улар таркиби, ишлатилиш соҳаси ва дисперс фаза – дисперсион муҳитига қараб 3 гуруҳга бўлинади.
Таркибига кўра сурков мойлар 4 асосий гуруҳга бўлинади.
1) совунли сурков мойлари - бунда қуюқлаштирувчи моддалар сифатида юқори мой кислоталарини тузлари ишлатилади.
2) Ноорганик қуюқлаштирувчи сурков мойлари. Бу сурков мойларига қўшиладиган ноорганик қуюқлаштирувчи моддалар юқори дисперс, термик барқарор ва мустаҳкам солиштирма сиртга эга бўлиши керак. Буларга силикагелли (Si), бентонитли (Вп), графитли (С) ва бошқалар киради. Графит сурков мойларига ҳам қуюқлаштирувчи, ҳам мойловчи хосса беради.
3) Органик қуюқлаштирувчи сурков мойлари. Бунда қуюқлаштирувчи сифатида қаттиқ ҳароратга чидамли, солиштирма юзаси юқори дисперсли органик моддалар ишлатилади. Бу гуруҳ сурков мойларига пигментли, полимерли, полимочевинали, қурумли сурков мойлари киради.
4) Углеводородли сурков мойлари: қуюқлаштирувчи модда сифатида юқори ҳароратда суюқланадиган (ёки қаттиқ) углеводородлари киради. Бу гуруҳ сурков мойларига табиий ва синтетик мумли, озокеритли, парафинли, петралатумли, церезинли сурков мойлари киради.