Хфх лек Хосилбеков

Organik o’g’itlar solishda xavfsizlik choralari. Organik o’g’itlarni dalaga mashinalar yordamida solishdagi xavfsizlik asosan o’g’it sochgichlarning ishchi organlarini sozligi va rostlanganligidan, hamda o’g’itlarni tarkibida boshqa predmetlarni yo’qligi va o’g’itni solayotganda masofada bo’lishga bog’liq. O’g’it sochgichlarda ishni boshlashdan oldin boltli va shlitsali birikmalarni tekshirib ko’rish, reduktorda surkov moyi borligini, transportyor zanjirlarining
tarangligini tekshirish va kardan valni qo’lda aylantirib, yuritma mexanizmlari qisib (tishlashib) qoladigan joylar yo’qligiga ishonch hosil qilish kerak. Shundan keyin mashinani salt ishlatib, sochgichning ishlashi tekshirib ko’riladi. Tormoz tizimi soatiga 20 km tezlikda tekshiriladi, bunda
tormoz yo’li 7,5 m dan ko’p bo’lmasligi lozim. Notekis joylarda ishlaydigan vaqtda traktorni mashina o’qiga nisbatan hosil qilgan burchagi 40° dan , quvvat olish vali ulangan holatdagi eng ko’p burilish burchagi 15° dan ortiq bo’lmasligi kerak.
6.26-rasm. Suyuq va oragnik o’g’it soluvchi mashinalardagi xavflar doirasi
G’o’za qator oralariga ishlov berishda xavfsizlik choralari. G’o’za qator oralariga ishlov berish ishlari maxsus tayyorgarlikka ega, ish malakasi kamida uch yil bo’lgan va texnika xavfsizligidan yo’riqnoma olgan mexanizatorlargagina ruxsat etiladi
G’o’za qator oralariga ishlov berishda turli kultivatorlardan keng foydalaniladi va ular bilan ishlashda xavfsizlikni ta’minlash uchun quyidagilar qat’iyan man etiladi:

• 
  agregat yaqinida begona kishilar bo’lsa, ishchi organlarini ko’tarish va mexanizmini ishga tushirish;
  
• 
  ishlayotgan vaqtda kultivator ramasida turish;
  
• 
  ishchi organlarini, ko’tarish mexanizmini yerdan turib ishga tushirish;
  
• 
  montaj-demontaj ishlarida tayanch sifatida to’g’ri kelgan narsadan foydalanish;
  
• 
  dvigatelni to’xtatmay turib, ishchi organlari ko’tarilgan holda nuqsonlarini tuzatish, ishchi organlarni rostlash, tozalash va moylash;
  
• 
  o’g’it sepish apparatlarining baklarini to’ldirish.
  

. 92
6.27-rasm. ЧКУ-4 kultivatorlardagi xavflar doirasi