Hayvonlar patofiziologiyasi fani va uning rivojlanish tarixi

Qonni fiziko-kimyoviy xususiyatlarini o‘zgarishi.
Qonning solishtirma og‘irligi. Leykotsit va eritrotsitlarning solishtirma og‘irligi plazmaning solishtirma og‘irligidan balandir. Shuning uchun ham qonda shaklli elementlar ko‘p bo‘lsa, qonning solishtirma og‘irligi yuqori bo‘ladi. Plazmaning solishtirma og‘irligi oqsil va tuzlarga bog‘liqdir. Qonning solishtirma og‘irligi sog‘lom hayvonlarda 1,037-1,063 ga teng.
Qonning solishtirma og‘irligi qon quyuqlashishini ta’minlovchi kasalliklardan ich ketish, qandsiz diabet, keng qismlar kuyganida, terlaganda kuzatiladi. Qonning solishtirma og‘irligini pasayishi anemiya, gidremiya, sifat va miqdoriy och qolishlarda kuzatiladi. Qonning osmotik bosimi qondagi barcha ion va molekulalar mikdorini konsentratsiyasiga bog‘liq. Arterial qonning osmotik bosimi vena qoninikidan kam bo‘ladi. Sog‘lom hayvonlar qonining osmotik bosimi qoning muzlash nuqtasiga 0,56-0,58 ga teng. Osmotik bosim oziqa va suv iste’mol qilinganida kam doirada o‘zgaradi. Osmotik bosim qonga ko‘p miqdorda gipertonik yoki gipotonik eritmalar yuborilganida o‘zgaradi.
Qonni yopishqoqligi. Suvni yopishqoqligi harorat 37⁰ da 1 ga teng deb olingan bo‘lib, sog‘lom hayvonlar qonining yopishqoqligi o‘rtacha 4,0-5,5, zardobning yopishqoqligi 1,4-1,9 ga teng. Qonning yopishqoqligiga qonning shaklli elementlari va kam miqdorda plazmani tarkibi ta’sir ko‘rsatadi. Eritrotsitlarni qonning hajm birligida ko‘payishi bilan qonning yopishqoqligi oshadi. Politsitemiyada, leykemiyada qonning yopishqoligi oshib, anemiya va gidremiyada pasayadi.
Qonning sirt tarangligi. Qonning sirt tarangligi sog‘lom hayvonlarda nisbatan o‘zgarmas bo‘ladi. Qonning sirt tarangligi qon tarkibida yuzaki faol moddalar bo‘lganida jumladan o‘t kislotasi va ba’zibir moddalar almashinuvining mahsulotlari ta’sirida o‘zgaradi. Qonning sirt taranglik hususiyatlari sarg‘ayma, uremiya, asfeksiya, o‘sma kasalliklari va qonning tarkibida karbonat angidrid miqdorining ko‘p miqdorda hosil bo‘lishi bilan kechadigan kasalliklarda kamayadi. Qonnning sirt taranglik hususiyatlari qon tarkibida oqsillar kamayganida (gipoproteinemiyada) oshadi.
Qonni ishqoriy rezervi. Qonninng ishqoriy rezervi deganda asoslar miqdorini kon plazmasida konning ishkoriy rezervi CO₂ xajmi bilan eki bikorbanatlarning mg bilan ifodalanadi. Qon plazmasida bikorbanatlar qanchalik ko‘p bo‘lsa uni buferlik xislati shuncha yuqori bo‘ladi. Ishqoriy rezerv miqdorini kamayishini kislotalarni ko‘p miqdorda qonga o‘tib, ularni neytrallash uchun sarflanganida kuzatiladi. Qonni ishqoriy rezervini to‘ldirilishi oshqozonda xlorid kislotasini hosil bo‘lishi bilan bog‘liq. Shu jarayonda hosil bo‘layotgan karbonat kislota: natriy ioni bilan birikib bikorbanat hosil qiladi. Oshqozonni doimiy kislotaligini oshishi ishqoriy rezervini oshirib, axliyada ishqoriy rezerv kamayadi.
Atsedoz - deb to‘qima va qonda ko‘p miqdorda kislotali moddalarni to‘planishiga aytiladi. Atsedoz kompensatsiyalanadigan va kompensansiyalanmaydigan turlariga bo‘linadi. Kompensatsiyalanadigan atsedozda qonni aktiv reaksiyasi o‘zgarmaydi, faqat ishqoriy rezervi kamayadi. Kompensatsiyalanmaydigan atsedozda ishqoriy rezerv va qon reaksiyasi pasayadi. Kislota ishqor muvozanatini buzilishi qonga kislota va asoslarni tarkibiy qismlarni tashqaridan tushishi, organizmda ularni ko‘p hosil bo‘lib boshqarilish mexanizmlarini buzilishi bilan bog‘liq. Odatda ko‘proq kompensatsiyalanadigan atsedoz rivojlanadi. Atsedozda nerv va muskullarni qo‘zg‘aluvchanligi pasayadi. Surunkali atsedoz suyaklarni kalsiysizlanish, suv-tuz almashinuvini buzilishiga olib keladi. Atsedozda natriy miqdori kamayib kam miqdorda kalsiy hamda kaliy miqdori kamayadi. Nafas olish chuqurroq bo‘lib, tezlashadi.