Hayotning 101 qoidasi Uzbekistan 978-613-9-45185-2

61.“San’atkorning yo’li”-ni o’qing
 
Biz hammamiz yaratilganmiz. Men bir necha yillar oldin kitob javonimdagi sevimli 
kitoblarim orasida “San’atkorning yo’li” nomli kitobga ko’zim tushgan edi va men uni 
olmagan edim. O’sha paytda men uni san’atkorlar uchun bo’lsa, menga keragi yo’q deb 
o’ylagan edim. Biroq vaqt o’tishi bilan shuni angladimki, har birimizda chegara 
bilmaydigan yaratuvchanlik qobiliyati yashiringan bo’ladi. Va biz xoh huquqshunos, 
quruvchi, o’qituvchi, xoh tadbirkor, xoh yozuvchi, yo musiqachi bo’lishimizga 
qaramasdan ularni kundalik hayotimizda ishlatishimiz kerak bo’ladi. Men huquqshunos 
sifatida shuni angladimki, boshqa sohada yozilgan kitobdan o’zim uchun yangi 
qiziqishlarni kashf etdim.
Men yaratuvchanlikni rivojlantirish haqida turli seminarlarda qatnashishni boshladim. 
Bundan tashqari, shu mavzuda juda ham ko’p kitoblar o’qidim va shaxsiy hamda kasbiy 
hayotimni rivojlantirishda tabiiy yaratuvchanlik qobiliyatlardan foydalanish haqida 
tinmay izlandim. Oxir oqibat mening izlanishlarim birinchi kitobimni yozishimga sabab 
bo’ldi. “San’atkorning yo’li” nomli kitobni o’qing va Julia Kameronning maslahatlarini 
ko’rib chiqing. Yaratuvchanlik ruhiyatinngizni oshkor qilishingiz orqali o’z-o’zingizni 
bilishni boshlaysiz va bu sizni hayotingizdan qoniqib yashashingizga undaydi.

---

56
62.Mulohaza qilishni o’rganing
 
Fransuz matematigi Blaiz Paskal shunday yozadi: “Barcha insonlarning baxtsizligi- 
ularning xonada yolg’iz va jim-jit o’tira olmasligidadir”. Biz hayotimizni shovqin va 
harakatlar bilan to’ldirib tashlashga odatlanganmiz. Shuning uchun ertalab radio 
ovozidan uyg’onamiz va televizor ko’rayotib kiyinamiz. Ishga borayotganimizda oxirgi 
yangiliklarni tinglaymiz va qolgan vaqtimizni to’s - to’polon ishxonada o’tkazamiz. 
Uyga kelgan paytda esa har xil uy ishlarini televizordagi musiqadan rohatlanib 
bajaramiz, birovga sim qoqamiz yoki kompyuter o’ynaymiz. Paskal haq edi. Bizning 
kamchiliklarimiz 
bir lahzaga bo’lsa ham jim-jit o’tirishning ahamiyatini 
bilmaganimizdadir. Agarda diqqatni bir joyga jam qilish bo’lmasa, hayot hech qachon 
to’liq va batafsil bo’la olmaydi. Agarda siz aqliy jihatdan e’tiboringizni faqatgina bitta 
mashg’ulotga jalb qila olmasangiz, hech qachon maqsadingizga erishmaysiz, orzu qilib 
hayotingizdan rohatlana olmaysiz. Chuqur mulohazasiz sizning miyyangiz sizga xizmat 
ko’rsatuvchi emas, balki sizni boshqaruvchiga aylanadi.
Mening hayotim mulohaza yuritishni o’rganganimdan o’zgarishni boshladi. Mulohaza 
bu xuddi rohibalardek tog’ cho’qqisiga chiqib sukut saqlash emas. Aksincha, mulohaza 
yuritishga sarflangan vaqt shunday davrki juda ham dono insonlar tomonidan yillar 
davomida rivojlanib kelgan. Uning maqsadi ongni o’z vazifasini bajarishga undaydigan 
metoddir. Uning eng foydali jihati siz 20 daqiqalik mulohazadan so’ng qay darajada 
tinchlik va xotirjamlikni sezishingiz va keyinchalik bu sizning qolgan har bir 
daqiqangizga ta’sir qilishidadir. Siz oilaviy aloqalarda juda sabrli, ishxonada juda 
muloyim va o’zingiz yolg’iz qolganingizda o’zingizni juda baxtli sezasiz. Mulohaza 
sizni yaxshi ota-ona, yaxshi umr-yo’ldosh, yaxshi mutaxassis va yaxshi do’st qilib 
tarbiyalaydi. Siz ushbu besh ming yillik ong mashg’ulotini o’rgana olishga qodirsiz.