Hayotning 101 qoidasi Uzbekistan 978-613-9-45185-2

65.O’z o’rningizni toping
 
Yangi iqtisodiyotning qoq markazida turib, siz qanchalik qattiq ishlaganingiz orqali 
emas, balki atrofdagilaringizga qay darajada foydangiz tekkani natijasida o’z
o’rningizni topasiz. Aynan shu haqida o’ylang. Agarda sizga doimiy ravishda har bir 
ishlagan soatingiz uhun 25 dollar to’lansa, bu pul sizga 65 daqiqa bitta stulni egallab 
o’tirganingiz uchun emas, balki siz shu 25 dollarga arzirli vazifa bajarganingiz uchun 
beriladi. Demak siz qanchalik qattiq ishlaganingizga qarab emas, balki qay darajada 
foyda keltirishingizga qarab mukofotlanasiz.
Nima uchun Donalds ishchilaridan ko’ra, miya jarrohlariga ko’p pul to’lanadi? Miya 
jarrohi yaxshiroq kasbmi? Bu muhim emas. Yoki miya jarrohi aqlliroqmi? Kim biladi?

---

58
Lekin bitta narsa aniq: jarrohlar Donalds ishchilaridan ko’ra juda ko’p bilimlarni 
o’zlashtirishgan. Deyarli hech kim miya jarrohlarining vazifasini bajara olmasligi 
sababli, bu kasb egalari yuqori pog’onada turishadi. Shuning uchu miya jarrohi burger 
tayyorlovchilardan ko’ra 10 barabar ko’p maosh oladi. Pul faqatgina insonning 
atrofdagilarga qay darajada foydasi tekkanini belgilovchi bir vosita hisoblanadi.
Demak, ko’proq maosh olish uchun siz ko’proq jamiyatga foyda keltirishingiz kerak 
bo’ladi. Dunyoga foyda keltirishning eng yaxshi yo’li foydasi yetadigan inson 
bo’lishdir. Hech kimda yo’q qobiliyatlarni o’zlashtiring. Hech kim o’qimagan kitoblarni 
o’qing. Hech kim o’ylamagan fikrlar sizdan chiqsin. Agarda siz qanday bo’lsangiz, 
shundayligingizcha qolsangiz, hech qachon bularga erisha olmaysiz. Hayotdan ko’p 
narsa olish uchun siz xayolda emas, hayotda yashashingiz lozim.
66.Yaxshi ota-ona bo’ling
 
O’z farzandlaringizni tarbiyalash kelajak avlodni tarbiyalash demakdir. Juda ham 
kam odamlar farzand tarbiyasiga san’at sifatida qarashadi. Ko’pchiligimiz esa, farzand 
tarbiyasida xuddi o’z ota-onalarimizga o’xshab yo’l tutamiz. Hattoki tarbiyalashning 
boshqa usullarini bilmaymiz ham, o’ylamaymiz ham. Ota-ona bo’lish qanchalik maroqli 
bo’lmasin, bizga juda ham katta javobgarlik yukini ortadi. Men ikki farzandim uchun 
istalgan ishni qilishga tayyorman, lekin bunga faqatgina xohishning o’zi kamlik qiladi. 
Biz 
ota-onalik 
qobiliyatini 
o’zimizda shakllantirishimiz kerak. Faqatgina 
farzandlarimizni tarbiyalash yo’li to’g’riligiga va farzandlarimiz kelajakda dono, 
mulohazali va mehribon bo’lib ulg’ayishlariga umid qilish yetarli emas. Biz tashabbusni 
qo’lga olib, har xil seminarlarda qatnashish, kitob o’qish yoki mutaxassislarning 
fikrlarini 
eshitish 
orqali 
o’zimizning 
tarbiyalovchilik 
qobiliyatlarimizni
rivojlantirishimiz kerak. Keyin esa, hayotimiz davomida biz oilada farzand tarbiyasiga 
mos tushadigan kerakli fikr va tajribalarga ega bo’lishimiz lozim. Men shuni aniq 
bilamanki, hayot juda qizg’in va qisqa, qiladigan ishlarimiz esa juda ko’p. Lekin 
bolalaringizning beg’ubor bolaligi qaytib kelmaydi. Agarda siz hozir o’z qimmatli 
vaqtingizni yaxshi ota-ona bo’lishga sarflamasangiz, bir kun kelib, albatta afsuslanasiz. 
Bir kuni Torontodagi seminarlarimning birida, bir ota turib shunday degan edi: “Mening 
o’g’lim ulg’ayayotgan paytda, mendan doimo uni yelkamda ko’tarib yurishimni
so’rardi. Garchi u buni qanchalik xohlayotganini bilsamda, men juda band edim.
Hisobot topshirishim va juda ko’p qo’ng’iroqlarga javob berishim kerak edi. Hozir u 
voyaga yetib, uyimni tark etgan…… men hozir bir narsani tushunib yetdim. Men o’sha 
kichkinagina bolamni yelkamga ko’tarib yurish uchun butun dunyoyimni bergan 
bo’lardim….