Hayotning 101 qoidasi Uzbekistan 978-613-9-45185-2

2.
 
Atrofdagilarga doimo mehribon bo’ling
 
O’zining o’limi oldidan Aldous Huksley butun hayotida o’rgangan tajribasini oddiy 
yetti so’zda xulosalab shunday debdi: “Kelinglar bir-birimizga mehribon bo’laylik”. 
Odatda, biz biror buyuk ish qilish orqali gazeta va jurnallarning old sahifasiga chiqishni
- hayotimizni to’la to’kis qilishning vositasi deb hisoblaymiz. Ammo bu yerda hech 
qanday haqiqat yo’q. Mazmunli hayot yaxshi xulq-atvorimiz va mehribonligimizdan 
tarkib topgandir. Boshqacha aytganda, hayot yo’nalishiga o’z hissamizni qo’shishdan 
iboratdir.
Hayotingizga kirib kelgan har bir insonning sizga o’rgatadigan hayot tajribasi va 
aytadigan hikoyasi bo’ladi. Ular sizga insoniyligingizni ko’rsata oladigan 
xushmuomalalik, rahmdillik va mehribonlik kabi xususiyatlaringizni namoyon 
qilishingizga imkoniyat yaratadi. Shunday ekan nega o’zingiz qila olishingiz mumkin 
bo’lgan narsalar bilan dunyoyingizni boyitmaysiz. Fikrimcha, agar siz hech
bo’lmaganda bir begona insonni xursand qila olsangiz yoki kayfiyatini ko’tara olsangiz, 
o’sha kuningiz mazmunli va arzirli kunlardan biri bo’lardi.Oddiygina qilib aytsak, 
mehr berish bu - biz shu dunyoda yashab turganimiz uchun berishimiz shart bo’lgan 
qarzdir.
Mehringizni begonalarga ulashishning turli yo’llarini o’ylab toping. Avtobusda 
o’rningizni biror kishiga bo’shatib berish yoki birinchi bo’lib salom berish mehr 
ulashishning samarali boshlanishlardan biri bo’lishi mumkin. Yaqinda, “Ferrarisini 
sotgan rohib” asarim mushtariysidan xat oldim. Unda shunday deyilgan ekan: “Mening 
ichki dunyoyimni boyitishda yordam qilgan insonlarga minnatdorchiligimni izhor 
qilishga qaror qildim. Iltimos, chin qalbimdan hadya qilayotgan 100 dollarlik chekimni 
qabul qilsangiz”. U yuborgan sovg’aning men uchun qadrli ekanligini ifodalash uchun, 
uning bu sahovatli ishiga audio darslarimdan birini yuborish orqali javob qaytardim.

---

7
To’g’risi, uning bu harakati samimiylik va chin dildan berilgan kichik tuhfaning ham 
muhimligini ko’rsatdi.