Harbiy-texnik instituti konstitutsiyaviy huquq

Konstitutsiyaviy sudning mustaqilligini ta’minlashga yo’naltirilgan 
bir qator kafolatlar qonunda nazarda tutilgan. Xususan, 
 
Konstitutsiyaviy sudning sudyalari senator, davlat hokimiyati vakillik
organlarining deputati bo’lishi mumkin emas. Konstitutsiyaviy
sudning sudyalari siyosiy partiyalarning a’zosi bo’lishi, siyosiy 
harakatlarda ishtirok etishi, shuningdek, ilmiy va pedagogik 
faoliyatdan tashqari haq to’lanadigan boshqa biron-bir faoliyat turi bilan 
shug’ullanishi mumkin emas. 
Konstitutsiyaviy sudning sudyalari o’z vakolatlari davrida 
almashtirilmasliklari Qonunda nazarda tutilgan. 
Konstitutsiyaviy sud 
sudyalarini almashtirib bo’lmasligi prinsipiga asosan 
Konstitutsiyaviy 
sud sudyalarining vakolatlari faqat qonunda belgilangan hollarda Oliy 
Majlisning Senati qarori bilan muddatidan ilgari tugatilishi mumkin.

---

636 
Bundan tashqari, Konstitutsiyaviy sud sudyasining vakolatlari 
quyidagi hollarda muddatidan ilgari tugatilishi mumkin
: 
-
u sudyalik qasamyodini buzganida;
-
u yozma ariza berganida; 
-
u sudyalik lavozimida bo’lishning eng yuqori yoshiga etganida;
-
unga nisbatan sudning ayblov hukmi qonuniy kuchga kirganida;
-
sudya ogohlantirilganidan yoki uning vakolatlari to’xtatilganidan 
keyin ham sudyalik lavozimi bilan bir vaqtda shug’ullanib 
bo’lmaydigan faoliyatni davom ettirganida;
-
sog’lig’ining holatiga yoki boshqa uzrli sabablarga ko’ra u uzoq vaqt 
mobaynida sudyalik vazifalarini bajarishga qobiliyatsiz bo’lganida;
-
u O’zbekiston Respublikasi fuqaroligini yo’qotganida; 
-
u belgilangan tartibda muomalaga layoqatsiz yoki muomala layoqati 
cheklangan deb topilganida; 
-
u vafot etganida yoki sudning qarori bilan vafot etgan deb e’lon qi-
linganida.