Harbiy-texnik instituti konstitutsiyaviy huquq

Konstitutsiyaviy sudning devoni. 
O’zbekiston Respublikasi 
Konstitutsiyaviy sudining faoliyat ko’rsatishini ta’minlash uchun 
Konstitutsiyaviy sudning devoni tuziladi. 
«O’zbekiston Respublikasining Konstitutsiyaviy sudi to’g’risida»gi 
Konstitutsiyaviy Qonunining 35-moddasiga muvofiq, Konstitutsiyaviy 
sudning faoliyatini tashkiliy jihatdan, ilmiy-ekspertizaga, axborot-
ma’lumotga oid va boshqacha tarzda ta’minlash Konstitutsiyaviy sud 
devoni tomonidan amalga oshiriladi.
Konstitutsiyaviy sud devoniquyidagi funksiyalarni amalga oshiradi: 
–Konstitutsiyaviy sudda ishlarni yuritishni hamda xizmatga oid 
kengashlarni va Konstitutsiyaviy sud tomonidan o’tkaziladigan boshqa 
tadbirlarni tashkiliy-texnik jihatdan ta’minlash; 
–sudyalarga sud majlisi va xizmatga oid kengashlarda ishlarni va 
boshqa masalalarni ko’rib chiqish uchun tayyorlashda ko’maklashish; 
–Konstitutsiyaviy sudga yo’llangan murojaatlarni ko’rib chiqilishini 
tashkiliy ta’minlash, arizachilarning murojaatlari bo’yicha javoblar, 
xulosalar, tahliliy, axborot va boshqa materiallarni tayyorlash; 

---

641 
–Konstitutsiyaviy sudning qonunchilik tashabbusi bilan bog’liq 
masalalar yuzasidan qonun loyihalarini va takliflarni tayyorlashda 
ishtirok etish va buning uchun zarur hujjatlarni tayyorlash; 
–Konstitutsiyaviy sud qarorlarining tarqatilishi va matbuotda e’lon qi-
linishini ta’minlash hamda “O’zbekiston Respublikasi Konstitutsiyaviy 
sudining Axborotnomasi”ni nashrga tayyorlash; 
–Konstitutsiyaviy sud qarorlarining tizimli hisobini yuritish va 
ma’lumotlar bazasini shakllantirish; 
–Konstitutsiyaviy sud qarorlarining ijrosini ta’minlash bo’yicha davlat 
organlarining faoliyatini o’rganish va umumlashtirish, ushbu qarorlarning 
ijrosi bo’yicha Konstitutsiyaviy sud uchun ma’lumot tayyorlash; 
–qonun hujjatlarining tizimli hisobi va tahlilini olib borish, tahliliy 
tadqiqotlarni amalga oshirish; 
–Konstitutsiyaviy sudning mehnat munosabatlari, kadrlar siyosati va 
mukofotlash sohasidagi vakolatlarini amalga oshirilishini ta’minlash, Dev-
on xodimlarining malakasini oshirishni tashkillashtirish; 
–hujjatlarni tayyorlash va ular bilan ishlashga mo’ljallangan zamo-
naviy axborot texnologiyalari va dasturiy-texnik vositalarni qo’llagan 
holda Konstitutsiyaviy sud faoliyatini hujjatlashtirish tizimini tashkil-
lashtirish, yuritish va takomillashtirish; 
–hujjatlar almashinuvi va ish yuritishning o’rnatilgan tartibiga rioya 
etilishi yuzasidan uslubiy rahbarlik va nazorat qilish; 
–Konstitutsiyaviy sud hujjatlarini arxivlashtirish, Konstitutsiyaviy sud 
arxiv fondida bo’lgan hujjatlarning saqlanishi va foydalanilishi hamda 
ularni qonun bilan belgilangan tartibda davlat arxiviga topshirish uchun 
tayyorlashni amalga oshirish; 
–axborot tizimlarining uzluksiz ravishda ishlashini va yangi axborot 
texnologiyalarining tatbiq etilishini ta’minlash; 
–Konstitutsiyaviy sudning elektron axborot resurslarini barpo etish, 
yuritish va takomillashtirishni ta’minlash; 
–Konstitutsiyaviy sudning ommaviy axborot vositalari bilan o’zaro 
munosabatlarini tashkillashtirish, ommaviy axborot vositalarida Konstitut-
siyaviy sud faoliyati to’g’risida xolisona ma’lumotlarning joylashtirilishini 
ta’minlash; 
–Konstitutsiyaviy sud faoliyatini moliyaviy ta’minlashni tashkil-
lashtirish; 
–Konstitutsiyaviy sudni moddiy-texnik manbalar bilan ta’minlash 
bo’yicha chora-tadbirlarni tashkillashtirish; 
–Konstitutsiyaviy sudning xorijiy mamlakatlarning konstitutsiyaviy 

---

642 
nazorat organlari va xalqaro tashkilotlar, ularning O’zbekiston 
Respublikasidagi vakolatxonalari bilan o’zaro munosabatlarini 
tashkillashtirish; 
–xorijiy mamlakatlar konstitutsiyaviy nazorat organlarni faoliyatini 
o’rganish va umumlashtirish; 
–qonun hujjatlari, Konstitutsiyaviy sudning qarorlari, 
Konstitutsiyaviy sud raisining farmoyishlariga muvofiq boshqa funksiya-
larni ham amalga oshiradi. 
Devon faoliyatiga umumiy rahbarlikni Konstitutsiyaviy sudning raisi, 
bevosita va joriy rahbarlikni kotibiyat mudiri amalga oshiradi. 
Konstitutsiyaviy sud huzuridagi Ilmiy-maslahat kengashiO’zR 
Konstitutsiyaviy sudining 2004-yil 30-yanvardagi 4-son qarori bilan 
tasdiqlangangan Nizom asosida faoliyat yuritadi. 
O’zbekiston Respublikasining Konstitutsiyaviy sudi huzuridagi 
Ilmiy-maslahatlashuv kengashi o’z ishini jamoatchilik asosida amalga 
oshiradigan maslahat organi hisoblanadi. 
Ilmiy-maslahatlashuv kengashining faoliyati Konstitutsiyaning 
ustuvorligini ta’minlash yuzasidan takliflar ishlab chiqishga qaratilgan. 
Ilmiy-maslahatlashuv kengashi huquq fani va konstitutsiyaviy nazorat 
amaliyoti masalalarida, shuningdek, chet el qonun hujjatlari yutuqlaridan 
mumkin qadar to’liq foydalanishda Konstitutsiyaviy sudga yordam 
berishga da’vat etilgandir. 
Ilmiy-maslahatlashuv kengashi tarkibiga siyosat va huquq sohasidagi 
malakali mutaxassislar saylanadi. Fan va amaliyot boshqa tarmoqlarining 
kengashga a’zo bo’lmagan mutaxassislari ham Ilmiy-maslahatlashuv 
kengashi ishiga jalb etilishi mumkin. 
Ilmiy-maslahatlashuv kengashi O’zbekiston Respublikasi 
Konstitutsiyaviy sudi raisining taqdimiga binoan Konstitutsiyaviy 
sudning majlisida kengash raisi, rais o’rinbosari, ilmiy kotib va 
kengashning a’zolaridan iborat tarkibda saylanadi. 
Ilmiy-maslahatlashuv kengashi O’zbekiston Respublikasi Konstitut-
siyaviy sudining vakolatlari muddatiga saylanadi. 
Ilmiy-maslahatlashuv kengashi majlislarida ko’rib chiqish uchun 
masalalarni O’zbekiston Respublikasi Konstitutsiyaviy sudining raisi 
kiritadi. 
Ilmiy-maslahatlashuv kengashi: 
– O’zbekiston Respublikasining Konstitutsiyaviy sudi ko’rib chiqishi 
uchun kiritiladigan masalalar yuzasidan ilmiy asoslangan tavsiyalar beradi; 
– konstitutsiyaviy nazoratni amalga oshirishga tegishli qonun 

---

643 
hujjatlarini takomillashtirish yuzasidan takliflar ishlab chiqadi. 
Ilmiy-maslahatlashuv kengashining majlislari, zaruratga qarab, 
ijodiy munozara va erkin fikr bildirish vaziyatida o’tkaziladi. 
Ilmiy-maslahatlashuv kengashining qabul qilingan qarorga qo’shilmagan 
a’zosi alohida fikr taqdim etishga haqli bo’lib, bu fikr Konstitutsiyaviy sud 
rahbariyatining e’tiboriga etkaziladi. 
Ilmiy-maslahatlashuv kengashining raisi kengash ishini tashkil etadi, 
majlislar chaqiradi, kengashning tavsiyalarini tayyorlash yuzasidan 
kengash a’zolariga topshiriqlar beradi, ularning bajarilishi ustidan 
nazoratni amalga oshiradi. 
Ilmiy-maslahatlashuv kengashining ilmiy kotibi Ilmiy-maslahatlashuv 
kengashi ishini tashkiliy jihatdan ta’minlaydi, majlislarga materiallar 
tayyorlaydi, bayonnomalar tuzadi, ish yuritishni olib boradi. 
Ilmiy-maslahatlashuv kengashi faoliyatini tashkiliy-texnika vositalari 
bilan ta’minlash Konstitutsiyaviy sud devonining zimmasiga yuklanadi. 
Ilmiy-maslahatlashuv kengashi har yili o’z faoliyati to’g’risida 
Konstitutsiyaviy sud raisiga hisobot berib turadi.