Harbiy-texnik instituti konstitutsiyaviy huquq

jinoyat ishlarini yuritishda 
sudning mustaqilligi quyidagilar orqali ta’minlanadi: 

---

615 
- 
Uning faoliyatida sudlov bilan boshqa birorta protsessual vazifalar 
aralashtirilishning taqiqlanishi
. Sudya ko’rayotgan jinoyat ishi bo’yicha 
tergovchi, surishtiruvchi, prokuror bo’lishi mumkin emas, bu ish bo’yicha 
sudya, odil sudlovni amalga oshirish vazifadan tashqari, boshqa birorta 
protsessual vazifilarni amalga oshirishga haqli emas, aks holda u rad 
qilinadi. 
- 
Sudyalarni rad qilish va sudyalar o’zini o’zi rad etish huquqi
. 
Ushbu institut orqali xolisligiga shubha bo’lgan sudyalar protsesdan 
bartaraf qilinadi. 
- 
Sudga birorta begona shaxslar fikrlarini zo’rlab o’tkazilishining 
taqiqlanishi.
Sudyalarning odil sudlovni amalga oshirish borasidagi 
faoliyatiga biron-bir tarzda aralashish qonunga muvofiq javobgarlikka 
sabab bo’ladi. Sudyalar odil sudlovni amalga oshirishda hech 
kimga hisobdor emas. Sudya ko’rilgan yoki ish yuritishidagi ishlar 
mazmuni bo’yicha biron-bir tushuntirishlar berishga, shuningdek, qonun 
hujjatlarida nazarda tutilgan hollardan tashqari, biron-bir shaxslarga 
tanishib chiqish uchun ishlarni taqdim etishga majbur emas. Mazkur taqiq 
ham ayblov, ham himoya taraflariga, ham protsess ishtirokchilariga, ham 
protsesda ishtirok etmagan shaxslarga tatbiq etiladi. 
- 
Jinoyat protsessida dalillarga baho berish jarayonida formal 
mezonlardan foydalanishning taqiqlanishi. 
Sudya uchun hech qanday dalil 
oldindan belgilab qo’yilgan kuchga ega emas va har bir dalilga sudya faqat 
ichki ishonchi bilan baho beradi. Shunday qilib, sudyaning mustaqilligini 
ta’minlash uchun sudyaning qonunga bo’ysunishi ham o’z chegaralariga 
ega, ya’ni qonun jinoyat protsessida dalillarning formal tizimini 
o’rnatmasligi kerak. 
- 
Sudda ish ko’rilishining oshkoraligi. 
Oshkoralik o’zidan-o’zi sudni 
mustaqil qilmaydi, lekin sudyalar g’arazligi va bexolisligi holatlariga 
jamoatchilik e’tiborini qaratib, ularni cheklaydi. 
- 
Sudyalarning xizmat daxlsizligi
. Sudyaning shaxsi daxlsiz. 
Sudyaning daxlsizligi uning turar joyiga, xizmat xonasiga, foydalanadigan 
transporti va aloqa vositalariga, xat-xabarlariga, unga tegishli ashyolar va 
hujjatlarga tatbiq etiladi. 
Sudyaga nisbatan jinoyat ishi faqat O’zbekiston Respublikasi Bosh 
prokurori tomonidan qo’zg’atilishi mumkin. Sudya O’zbekiston 
Respublikasi Sudyalar oliy kengashining xulosasi olinmasdan va 
O’zbekiston Respublikasi Oliy sudi Plenumining roziligisiz jinoiy 
javobgarlikka tortilishi, qamoqqa olinishi mumkin emas. 

---

616 
Sudya O’zbekiston Respublikasi Sudyalar oliy kengashining
xulosasi olinmasdan ma’muriy javobgarlikka tortilishi mumkin emas. 
Sudyaning turar joyiga yoki xizmat xonasiga, foydalanadigan 
transportiga kirish, ularni ko’zdan kechirish, ularda tintuv o’tkazish yoki 
ulardan ashyoni olish, telefondagi so’zlashuvlarini eshitish, sudyani 
shaxsan ko’zdan kechirish va uni shaxsiy tintuv qilish, shuningdek, uning 
xat-xabarlarini, unga tegishli ashyolar va hujjatlarni ko’zdan kechirish, 
olib qo’yish yoki olishga faqat Qoraqalpog’iston Respublikasi 
prokurorining, viloyat, Toshkent shahar prokurorining, O’zbekiston 
Respublikasi Harbiy prokurorining ruxsati yoki sudning qarori bilan
yo’l qo’yiladi. 
Tumanlararo, tuman (shahar) sudining, hududiy harbiy sudning 
sudyasiga nisbatan jinoyat ishi yuqori turuvchi sud sudloviga, boshqa 
sudlarning sudyalariga nisbatan esa O’zbekiston Respublikasi Oliy sudi 
sudloviga tegishlidir.