Harbiy-texnik instituti konstitutsiyaviy huquq

Shunday qilib, aralash respublikalarda prezidentlik va 
parlamentar respublikalarga xos bo’lgan xususiyatlar o’z ifodasini 
topgan va ulardagi ijobiy jihatlar mujassamlangan
. 
Jahon mamlakatlari tajribasidan kelib chiqiladigan bo’lsa, prezidentlik 
institutiga quyidagacha 
tavsif
berilishi kuzatiladi. 
Birinchidan, 
Prezident muayyan davlatning boshlig’i va xalq birligining 
ramzihisoblanadi.
Ikkinchidan, 
Prezident o’z mamlakati xalqi nomidan ish tutadi va 
uning milliy manfaatlarini himoya qiladi. U partiyaviy, ijtimoiy, mahalliy va 
boshqa manfaatlardan, ayniqsa, har qanday g’oyaviy kelishmovchiliklardan 
yuqori turadi, jamiyatni o’zaro muvofiqlashtiradi, ijtimoiy-siyosiy hayotni 
mustahkamlaydi. 
Uchinchidan, 
Prezident mamlakatning umumiy holati uchun mas’ul 
bo’lib, siyosiy barqarorlikni ta’minlaydi, huquqiy tartibotni va xavfsizlikni 
ta’minlash hamdamamlakatning boshqa davlatlar oldidagi majburiyatini 
bajarish borasida qarorlar qabul qiladi, tezkor chora-tadbirlar ko’radi. 
To’rtinchidan, 
Prezident davlat hokimiyati organlarining kelishilgan 
holda faoliyat yuritishini hamda hamkorligini ta’minlaydi. 
Beshinchidan, 
Prezident mamlakat qurolli kuchlarining Oliy Bosh 
qo’mondoni hisoblanadi, davlat mudofaasi va fuqarolarning harbiy 
xizmatni o’tashi uchun rahbarlik qiladi. 
Oltinchidan, 
Prezident ijro hokimiyati tizimida yuqori lavozimga 
tayinlash vakolatini amalga oshiradi, fuqarolik masalalarini hal qiladi, 
fuqarolarni davlat nishonlari bilan mukofotlaydi va aybidan o’tadi, inson 
huquq va erkinliklarini ta’minlanishining,shuningdek, mamlakatda 
konstitutsiya va qonunlarning kafolati hisoblanadi. 
3-§. O’zbekiston Respublikasi Prezidentining konstitutsiyaviy maqomi 
1990-yil 24-martda O’zbekiston Respublikasi Oliy Kengashi 
ittifoqdosh respublikalar o’rtasida birinchi bo’lib prezidentlik lavozimini joriy 
etdi. Bu davlat mustaqilligi yo’lidagi eng muhim amaliy qadamlardan biri 
bo’ldi. O’zbekistonning oldingi Konstitutsiyalari (1927, 1937 va 1978-
yillardagi) davlat boshlig’i institutini nazarda tutmagan edi. Davlat boshlig’i 
vazifasini Oliy Sovet Prezidiumi amalga oshirar edi.