Harbiy-texnik instituti konstitutsiyaviy huquq

birinchidan,
O’zbekiston Respublikasi Konstitutsiyasining 
83-moddasiga muvofiq, Qonunchilik palatasi deputati qonunchilik 
tashabbusi huquqiga ega. Senatorda esa, bunday huquq mavjud emas; 
ikkinchidan,
Qonunchilik palatasining siyosiy partiyadan 
ko’rsatiladigan kamida to’qqiz nafar deputatlari siyosiy, professional va 
boshqa asosda, o’z partiyalari manfaatlarini Qonunchilik palatasida 
ifodalash maqsadida, fraksiyalar shaklida; O’zbekiston Ekologik 
harakatidan saylangan deputatlar guruhlari shaklida deputatlar 
birlashmalarini tuzishlari mumkin. Senatorlar tomonidan esa, hududiy 
mansublikka ko’ra hamda siyosiy yoki boshqa asosda guruhlar tuzishga 
yo’l qo’yilmaydi; 
uchinchidan,
deputat o’z okrugi saylovchilari bilan, uni deputatlikka 
nomzod qilib ko’rsatgan siyosiy partiya bilan aloqa bog’lab turadi, 
Qonunchilik palatasida ularning manfaatlarini ifoda etadi. O’zbekiston 
ekologik harakatidan saylangan deputatlar ham mazkur harakat bilan
aloqa bog’lab turadi va Qonunchilik palatasida uning manfaatlarini
ifoda etadi. Shuning uchun ham, deputat o’ziga saylovchilardan tushgan 
murojaatlarni qonun hujjatlarida belgilangan tartibda ko’rib chiqishi,
ularni hal etish chora-tadbirlarini ko’rishi, fuqarolarni qabul qilishi, vaqti-
vaqti bilan, ammo yiliga kamida bir marta, saylovchilarga o’z faoliyati 
haqida axborot berishi lozim. Agar deputat saylovchilarning ishonchini 
oqlay olmasa, qonunda belgilangan tartibda chaqirib olinishi mumkin. 
Senatorning mandati esa, saylovchilarga bog’liq emas. U o’z hududining 
vakili sifatida joylardagi vakillik organlari bilan aloqa bog’lab turadi. 
2015-yil 29-dekabrda “O’zbekiston Respublikasi Oliy Majlisi 
Qonunchilik palatasi Reglamenti to’g’risida”gi qonunga alohida 
VIII bo’lim
1
, ya’ni Qonunchilik palatasi deputatining saylovchilar, siyosiy